తిరుమల ఘాట్ రోడ్లో మరో ప్రమాదం
తిరుమల ఘాట్ రోడ్డులు ప్రమాదాలకు కేరాఫ్ అడ్రస్గా మారుతున్నాయి. ఇటీవల జరుగుతున్న వరుస ప్రమాదాలు భక్తులను ఆందోళనకు గురిచేస్తున్నాయి. భక్తులతో వెళ్తున్న బస్సు, టెంపో లాంటి వాహనాలు పల్టీలు కొట్టడం టెన్షన్ కలిగిస్తోంది. నెలరోజుల వ్యవధిలో జరిగిన ప్రమాదాలో పదుల సంఖ్యలో భక్తులు గాయపడ్డారు. రెండో రోజుల క్రితమే టెంపో ట్రావెలర్.. కొండను ఢీకొట్టింది. అయితే భక్తులెవరూ లేకపోవడంతో పెను ప్రమాదం తప్పింది.
తాజాగా ఘాట్ రోడ్డులో మరో ప్రమాదం చోటుచేసుకుంది. నాలుగో మలుపు వద్ద అదుపు తప్పిన ఓ తూఫాన్ వాహనం బోల్తాపడింది. ఈ ప్రమాదంలో పలువురికి తీవ్ర గాయాలయ్యాయి. క్షతగాత్రులను రుయా ఆస్పత్రికి తరలించి చికిత్స అందిస్తున్నారు. వరుస ప్రమాదాలపై అధికారులు దృష్ణిసారించారు. యాక్సిండెంట్ల నివారనకు చర్యలు చేపట్టారు. అతి వేగమే ప్రమాదానికి కారణమని టీటీడీ అధికారులు భావిస్తున్నారు.
