విద్యార్థులకు గుడ్ న్యూస్.. సంక్రాంతి సెలవులు పొడిగింపు

ఏపీ ప్రభుత్వం కీలక నిర్ణయం తీసుకుంది. ఏపీలో సంక్రాంతి సెలవులను పొడిగించింది. మరో 3 రోజులపాటు సెలవులను పొడిగిస్తూ ఉత్తర్వులు జారీ చేసింది. దీంతో ఈనెల 22న స్కూళ్లు తిరిగి ప్రారంభంకానున్నాయి. టీచర్లు, తల్లిదండ్రుల విజ్ఞప్తి మేరకు ఈ నిర్ణయం తీసుకున్నట్టు విద్యాశాఖ వివరించింది. అంతకుముందు ప్రభుత్వం జనవరి 9 నుంచి 18వరకు సంక్రాంతి సెలవులు ప్రకటించింది. 19న స్కూళ్లు ఓపెన్ అవుతాయని చెప్పింది. అయితే అకడమిక్ క్యాలెండర్లో మాత్రం 11 నుంచి 16 వరకే సెలవులు ప్రకటించగా.. ఉపాధ్యాయ సంఘాల నుంచి అభ్యంతరాలు రావడంతో దానిని 9 నుంచి 18 కి మార్చింది. తాజాగా మరో 3 రోజులు పొడిగిస్తూ నిర్ణయం తీసుకుంది. ప్రభుత్వ నిర్ణయంపై విద్యార్థులు, టీచర్లు సంతోషం వ్యక్తం చేస్తున్నారు.