స్కిల్ స్కాంలో ఎవరినీ వదిలిపెట్టం : మంత్రి బొత్స
స్కిల్ స్కామ్లో అరెస్ట్ అయిన టీడీపీ అధినేత చంద్రబాబుపై ఏపీ మంత్రి బొత్స సత్యనారాయణ సెటైరికల్ పంచులు పేల్చారు. మీడియా ముఖంగా దొంగ దొరికిపోయి జైలుకు వెళ్లారని చురకలంటించారు. ఈ స్కామ్కు సంబంధించి పక్కా ప్రూఫ్స్ తమదగ్గర ఉన్నాయని అన్నారు. ఈ కేసులో ఎవరు ఉన్నా వదిలిపెట్టేది లేదని క్లారిటీ ఇచ్చారు. ఇప్పటికైనా బాబుకు మద్దతు పలికేవారంతా ఆయన్ని ప్రశ్నించాలన్నారు.
మీడియాతో మంత్రి బొత్స మాట్లాడుతూ.." స్కిల్ కేసులో ఎవరిమీద మాకు ప్రేమ లేదు. ఈ కేసులో ఎవరి పాత్ర ఉన్నా వారిపై తప్పనిసరిగా చర్యలు తీసుకుంటాం. రిమాండ్‌ కొనసాగింపు సమయంలో తప్పు చేయలేదని చంద్రబాబు అంటున్నారు. అందుకే పబ్లిక్ లైఫ్లో ఉన్నవారు జాగ్రత్తగా వ్యవహరించాలి. అవినీతిరహిత పాలన సాగించాలి. ఇన్నాళ్లూ బాబు, దొరికితే దొంగ.. దొరకకపోతే దొర అన్నట్టుగా వ్యవహరించారు. రాష్ట్ర సర్కార్ తన షేర్ ఇచ్చిన తర్వాత కూడా సీమెన్స్ సంస్థ తన వాటాను ఇవ్వలేదు ఎందుకు? ఈ మధ్యలోనే డిజైన్ టెక్ ఎలా వచ్చింది?. చంద్రబాబు తెలిసి తెలిసే తప్పు చేశారు. సీమెన్స్
సంస్థ మంచి కంపెనీనే కానీ, అగ్రిమెంట్ ప్రకారం జరగలేదు. సాఫ్ట్వేర్కు రూ.2900 కోట్లా?. ప్రభుత్వ సొమ్మును దుర్వినియోగం చేశారు. ఈ కేసులో అన్ని ఆధారాలు మా దగ్గర ఉన్నాయి. జగన్ ప్రభుత్వం అవినీతిని అస్సలు సహించదు. ఇష్టం వచ్చినట్లు చేస్తూ కూర్చుంటే సర్కార్ చూస్తూ ఉండదు. అవినీతికి పాల్పడినవారు ఎంతవారైనా చర్యలు తీసుకుంటాం. ఈ అవినీతిపై చంద్రబాబు మద్దతుదారులు ఆయన్ని ఎందుకు ప్రశ్నించరు.
