Chandrababu arrest: చూసుకుని వెళ్లండి.. బస్సులు బంద్

నంద్యాలతో టీడీపీ అధినేత చంద్రబాబును సీఐడీ పోలీసులు అరెస్ట్ చేసి విజయవాడకు తరలించారు. ఈ నేపథ్యంలో చంద్రబాబు నియోజక వర్గంలో బంద్ వాతావరణం నెలకొంది. అందుకు ముందస్తు జాగ్రత్తగా ఏపీఎస్ఆర్టీసీ అధికారులు ముందు జాగ్రత్త చర్యలు చేపట్టారు. రాష్ట్ర వ్యాప్తంగా పలు జిల్లాల్లో బస్సులు నిలిపేశారు. టీడీపీ కార్యకర్తలు, నేతలు అరెస్ట్ కు వ్యతిరేకంగా ఆందోళనలు చేపట్టే అవకాశం ఉంది.

దీని కారణంగా ప్రభుత్వ ఆస్తులకు నష్టం వాటిల్లకూడదనే ఉద్దేశంతో ముందస్తుగా కుప్పంలో బస్సులను డిపోలకే పరిమితం చేశారు. కాగా ముందస్తు సమాచారం లేకుండా బస్సులు బంద్ పెట్టడంతో ప్రయాణికులు తీవ్ర ఇబ్బందులు ఎదుర్కొంటున్నారు. బస్సులు ఎప్పుడు రోడ్డెక్కుతాయో తెలియక బస్ స్టాప్స్ లో పడిగాపులు కాస్తున్నారు. మరోపక్క కిరాణా షాపులు, స్టాల్లు కూడా మూతపడి ఉన్నాయి. పోలీసులు టీడీపీ లీడర్లను హౌజ్ అరెస్ట్ చేస్తున్నారు.