ఫాదర్స్ డే సందర్భంగా తారకరత్నకు పిల్లలు నివాళి, అలేఖ్య ఎమోషనల్ పోస్ట్..

సినీ నటుడు తారకరత్న మరణించి 4 నెలలవుతోంది. ఈ ఏడాది ఫిబ్రవరి 18న మరణించారు. లోకేష్ యువగళం పాదయాత్రలో గుండెపోటుకు గురైన తారకరత్న... బెంగుళూరులోని నారాయణా హృదయాలయా ఆస్పత్రిలో 23 రోజులుగా ఆస్పత్రిలో చికిత్స పొంది తుదిశ్వాస విడిచారు. అప్పటినుంచి తారకరత్న కుటుంబం తీవ్ర విషాదంలో కూరుకుపోయింది. ఎంతో ఇష్టంగాప్రేమించి పెళ్లాడిన అలేఖ్య రెడ్డి ఒంటరి వారయ్యారు. బాధను దిగమింగుకుంటూ పిల్లలను కంటికి రెప్పలా చూసుకుంటున్నారు. అప్పుడప్పుడు భర్తతో ఉన్న తన జ్ఞాపకాలను గుర్తుచేసుకుంటూ సోషల్ మీడియాలో భావోద్వేగపోస్టులను చేస్తున్నారు.

ఇక నేడు ఫాదర్స్ డే సందర్భంగా తారకరత్నకు పిల్లలు నివాళులర్పించారు. నిషిక, తనయ్ రామ్, రెయాలు తండ్రికి పూలు వేసి నమస్కరించారు. ఈ ఫోటోలను అలేఖ్య రెడ్డి సోషల్ మీడియాలో షేర్ చేశారు. ఈ పోస్ట్ చూసినవారిని కంటతడి పెట్టిస్తోంది.

“పిల్లలు నిన్ను చాలా మిస్ అవుతున్నారు నాన్నా, వారి బాధ ముందు నా బాధ చాలా తక్కువ. మన పిల్లల దృష్టిలో అత్యుత్తమ తండ్రిగా ఉన్న నీకు ఫాదర్స్ డే శుభాకాంక్షలు. వియ్ లవ్ యు ఓబు(తారకరత్న ముద్దుపేరు)” అని అలేఖ్య రాసుకొచ్చారు.