వైసీపీని గెలిపించడానికి మరోసారి సిద్దమా : CM Jagan
ఏలూరు జిల్లా దెందులూరులో ఏర్పాటు చేసి సిద్దం సభలో ముఖ్యమంత్రి జగన్ పాల్గొన్నారు. వైఎస్సార్‌సీపీ ఎన్నికల శంఖారావం సభలో ఉభయ గోదావరి జిల్లాలు, ఉమ్మడి కృష్ణా జిల్లాల్లోని 50 నియోజకవర్గాల నుంచి తరలి వచ్చిన పార్టీ కేడర్‌ను ఉద్దేశించి సీఎం ప్రసంగించారు. రాబోయే యుద్దంలో మీరు కృష్ణుడైతే నేను అర్జునుడిని అని మన ప్రభుత్వం చేపడుతున్న సంక్షేమ పథకాలే మన ఆయుధాలు అని జగన్ ఎనాడు ఒంటరి కాదని మీరంతా ఉన్నారని జగన్ తెలిపారు. 14 ఏళ్లు పాలించిన చంద్రబాబు పేదలకు ఏమి చేశారని ఆయన ప్రశ్నించారు. రామాయణం, మహాభారతంలో ఉన్న విలన్లు చంద్రబాబు అండ్‌ కో రూపంలో ఉన్నారు. వాళ్లు.. ఆ తోడేళ్ల మంద వైపు నుంచి చూస్తే ఈ సీన్‌ చూస్తుంటే జగన్ ఒంటరి వాళ్లలా కనిపిస్తాడు.
కానీ, నిజం ఏంటంటే.. ఇక్కడ జగన్ ఏనాడూ ఒంటరి కాదు. వారికి ఉన్న సైన్యం వారి పొత్తులు అయితే.. వారి యెల్లో పత్రికలైతే.. వారి యెల్లో టీవీలు అయితే.. నాకున్న తోడు, నా ధైర్యం, నా బలం.. పైనున్న దేవుడు.. ప్రజలు. ఇది నాకున్న బలమని జగన్ అన్నారు. మరో చారిత్రక విజయాన్ని అందుకునేందుకు మీరంతా సిద్ధమేనా?. ఇంటింటి చరితను.. పేదింటి భవిష్యత్తును మరింత గొప్పగా మార్చే పరిపాలన అందించేందుకు.. మన పార్టీని మరోసారి గెలిపించుకునేందుకు మరోసారి మీరంతా సిద్ధమేనా? అని సీఎం జగన్ కేడర్‌ను Ready again to win YCP: CM Jagan.
ఉద్దేశించి ప్రశ్నించారు. పేదల భవిష్యత్తులను, పేదల్ని కాటేసే యెల్లో వైరస్‌ మీద.. కనిపిస్తున్న కరోనా లాంటి ఆ దుష్టచతుష్టయంపై సంగ్రామానికి ప్రతీ ఒక్కరూ సిద్ధమేనా? అని సీఎం జగన్ ప్రశ్నించారు.
