YCPలోకి అంబటి రాయుడు.. ఎంపీ టికెట్ పక్కా?

క్రికెట్ కు వీడ్కోలు పలికిన అంబటి రాయుడు.. తన రెండో ఇన్నింగ్స్ ను మొదలుపెట్టనున్నాడు. రాజకీయాల్లోకి ఎంట్రీ ఇచ్చేందుకు సిద్ధం అయ్యాడు. ఇదివరకే రాజకీయాల్లోకి వస్తానని హింట్ ఇచ్చిన రాయుడు.. ‘రెండో సైడ్ త్వరలోనే చూస్తార’ని ట్వీట్ చేశాడు. ఇప్పుడు ఆ దిశగా తన అడుగులు వేగవంతం చేశాడు. అందుకు గత నెల 11న ఆంధ్రప్రదేశ్ సీఎం జగన్ ను కలిసిన రాయుడు.. ఇవాళ జగన్ ను కలిసేందుకు తాడేపల్లి క్యాంప్ ఆఫీసుకు వెళ్లాడు. దీంతో రాష్ట్రం రాజకీయాల్లో రాయుడి పేరు చర్చనీయాంశంగా మారింది. ఈ భేటీలో దాదాపు అరగంటపాటు జగన్ లో చర్చించిన రాయుడు తర్వాత.. తిరిగి ఇంటికి వెళ్లిపోయాడు.

గుంటూరు జిల్లా పొన్నూరుకు చెందిన రాయుడు వైసీపీలో చేరి.. వచ్చే ఎన్నికల్లో అక్కడి నుంచి పోటీ చేస్తాడని ప్రచారం జరుగుతోంది. ఈ క్రమంలో సీఎం జగన్ తో భేటీలు అవడంతో ఈ ప్రచారం నిజమనేందుకు బలం చేకూరుతుంది. అయితే, గుంటూరు నుంచి ఎంపీ లేదా ఎమ్మెల్యే టికెట్ కావాలని రాయుడు.. జగన్ ను కోరినట్లు వార్తలు వినిపిస్తున్నాయి. కాపు వర్గానికి చెందిన అంబటి రాయుడు.. జనసేన పార్టీవైపు వెళ్తారని అంతా అనుకున్నారు. కాని, ఈ మధ్య కాలంలో ఆయన వైసీపీ వైపు దృష్టి సారించినట్టు కనిపిస్తోంది.