మంత్రి రోజాకు క్షమాపణలు చెప్పిన ప్రముఖ ఆంగ్ల పత్రిక
ఏపీ మంత్రి రోజాకు ప్రముఖ ఆంగ్ల పత్రిక డెక్కన్ క్రానికల్ క్షమాపణలు చెప్పింది. తప్పు జరిగిందని చెబుతూ వివరణ ఇచ్చింది. జనసేన అధినేత పవన్ కళ్యాణ్‌పై విమర్శలు చేస్తూ మంత్రి రోజా సెల్వమణి.. ఆయన్ను సన్నీలియోన్‌తో పోల్చిన సంగతి తెలిసిందే. ఆ వ్యాఖ్యలు దుమారం రేపాయి. ఆ వ్యాఖ్యలపై స్వయంగా సన్నీ లియోన్ స్పందించినట్టు సోషల్ మీడియాలో ఓ పోస్టు వచ్చింది. సన్నీ లియోన్ పేరిట ఉన్న ఆ అకౌంట్ నుంచి ఈ వ్యాఖ్యలపై స్పందించడంతో నిజంగానే సన్నీ లియోన్ స్పందించారని చాలా మంది భావించారు.
ఆ ట్విట్టర్ హ్యాండిల్ సన్నీ లియోన్(sunny leone) పేరుమీదే ఉన్నప్పటికీ, దానికి బ్లూ టిక్(blue tick) లేదు. అది వెరిఫైడ్ హ్యాండిల్ కానప్పటికీ, సన్నీ లియోన్… రోజాకు ఘాటుగా బదులిచ్చిందంటూ ప్రచారం జరిగింది. ఆ ప్రచారం సోషల్ మీడియా వరకే పరిమితం కాలేదు. మీడియాలోకీ పాకింది. పలు పత్రికల్లోనూ దీనిపై కథనాలు వచ్చాయి. డెక్కన్ క్రానికల్(deccan chronicle)లోనూ ఓ కథనం ప్రచురితం అయింది.ఆ తర్వాత అది ఫేక్ ట్వీట్(Fake tweet) అని తేలింది. నిజంగా అది సన్నీ లియోన్ ట్విట్టర్ హ్యాండిల్ కాదని తెలియవచ్చింది. కానీ, అప్పటికే పలు కథనాలు వచ్చేశాయి.
ఈ నేపథ్యంలోనే డెక్కన్ క్రానికల్ తాను చేసిన తప్పిదాన్ని గుర్తించింది. మంత్రి రోజాకు ట్విట్టర్ హ్యాండిల్ ద్వారా క్షమాపణలు(sorry Roja garu) చెప్పింది. వైసీపీ సీనియర్ నేత, మంత్రి రోజా సెల్వమాణి గురించి ఓ ఫీచర్ స్టోరీ లో తప్పుగా రాసినందుకు చింతిస్తున్నామని డెక్కన్ క్రానికల్ రెసిడెంట్ ఎడిటర్ శ్రీరామ్(Sriram Karri) ట్వీట్ చేశారు. ఆ పేరడీ అకౌంట్ ట్వీట్‌ను సరిగా పరిశీలించాల్సింది కానీ, అలా చేయలేదని వివరణ ఇచ్చారు. అంతేకాదు, ఇది ఇక్కడితో ఆగి పోవాలని ఆశిస్తున్నానని, రోజా గారు సారీ అంటూ ట్వీట్ చేశారు.
సోషల్ మీడియా దెబ్బకు దిగొచ్చిన డెక్కన్ క్రానికల్ యాజమాన్యం.. మంత్రి రోజాకు క్షమాపణలు
— Telugu Scribe (@TeluguScribe) July 16, 2023
మంత్రి రోజా మీద సన్ని లియోన్ పేరిట ఒక పేరడీ అకౌంట్ చేసిన వ్యాఖ్యలను నిజంగానే సన్ని లియోన్ ట్వీట్ చేసినట్లు నమ్మిన డెక్కన్ క్రానికల్.. ఆ వార్తను ఈరోజు పేపర్లో ప్రచురించింది.
దీనిపై వైఎస్ఆర్సీపీ… pic.twitter.com/U3mPyLaEWK
Regret our mistake in a feature story regarding senior @YSRCParty leader and minister @RojaSelvamaniRK garu. A parody account tweet was not checked with the care we should have. Bucks stops with me - sorry Roja garu. @DeccanChronicle
— Sriram Karri (@oratorgreat) July 16, 2023
