చంద్రబాబు బెయిల్, కస్టడీపై కాసేపట్లో తీర్పు

స్కిల్ డెవలప్మెంట్ కేసులో చంద్రబాబు బెయిల్, కస్టడీ పిటిషన్లపై ఇవాళ కోర్టులో విచారణ జరగనుంది. చంద్రబాబు బెయిల్‌ పిటిషన్ దాఖలు చేయగా.. బాబును కస్టడీకీ ఇవ్వాలని సీఐడీ పిటిషన్ దాఖలు చేసింది. మరోవైపు రేపటితో చంద్రబాబు రిమాండ్ ముగియనుంది. ఈ క్రమంలో విజయవాడ ఏసీబీ కోర్టు ఏ నిర్ణయం తీసుకుంటుందనేది ఉత్కంఠగా మారింది.

మరోవైపు లోకేశ్‌ ముందస్తు బెయిల్‌ పిటిషన్‌పై కూడా ఇవాళ హైకోర్టులో విచారణ జరగనుంది. స్కిల్‌ డెవలప్‌మెంట్‌ కేసులో లోకేశ్‌ ముందస్తు బెయిల్ పిటిషన్ దాఖలు చేశారు. ఈ కేసులో లోకేష్ను ఇవాళ్టి వరకు అరెస్ట్ చేయొద్దని హైకోర్టు ఆదేశించింది. మరోవైపు అమరావతి ఇన్నర్ రింగ్ రోడ్డు కేసులో ఈ నెల 10న విచారణకు హాజరుకావాలని సీఐడీ లోకేష్కు నోటీసులు జారీ చేసింది. ఈ నోటీసులపై ఆయన హైకోర్టును ఆశ్రయించగా.. విచారణకు హాజరుకావాల్సిందేనని న్యాయస్థానం స్పష్టం చేసింది.