వరదలో కొట్టుకొచ్చిన పాల ప్యాకెట్లు...ఏరుకున్న జనం

ఏపీలో పలు ప్రాంతాల్లో భారీ వర్షాలు కురుస్తున్నాయి. గురువారం మచిలీపట్నం ప్రాంతంలో కురిసిన కుండపోత వర్షానికి లోతట్టు ప్రాంతాలు జలమయం అయ్యాయి. ప్రధాన రహదారుల్లో వరదనీరు పొంగి పొర్లింది. ఈ వరదలో పాల ప్యాకెట్లు కొట్టుకు వచ్చాయి. పదుల సంఖ్యలో పాలప్యాకెట్లను చూసి స్థానికులు ఆశ్చర్యపోయారు. ఏ మాత్రం ఆలోచించకుండా వాటిని ఏరుకునేందుకు పోటీపడ్డారు.

మోకాళ్లు లోతు నీటిలో దిగి అందినకాడికి పాల ప్యాకెట్లను తీసుకున్నారు. దీనిని కొంత మంది వీడియో తీసి సోషల్ మీడియాలో పోస్ట్ చేయగా వైరల్ గా మారింది. సాయిబాబా ఆలయం జంక్షన్‌లో ఓ వాహనం నుంచి పాల ప్యాకెట్ల ట్రేలు కిందపడి అవి కొట్టుకువచ్చినట్లు స్థానికులు తెలిపారు. రెండు రోజులుగా ఏపీలోని తీర ప్రాంతాల్లో వర్షాలు దంచికొడుతున్నాయి. మరో రెండు రోజుల పాటు వర్షాలు కొనసాగుతాయని వాతావరణ శాఖ పేర్కొంది.

Heavy rain lashed Machilipatnam, inundating the famous Sai Baba temple junction. People jumped into knee-deep water after they found milk packets floating on it. #AndhraPradesh pic.twitter.com/SCjfWROGFi

— Ashish (@KP_Aashish) July 13, 2023