మెక్డొనాల్డ్ యాడ్ కోసం జూ.ఎన్టీఆర్ అన్ని కోట్లు తీసుకున్నాడా..!
ఆర్ఆర్ఆర్ సినిమా తర్వాత యంగ్ టైగర్ జూ.ఎన్టీఆర్ క్రేజ్ విపరీతంగా పెరిగిపోయింది. ఒక్కసారిగా ప్యాన్ ఇండియా స్టార్గా మారిపోయాడు. విదేశాలకు కూడా తెలుగోడి టాలెంట్‌ను రుచి చూపించారు. దీంతో ఎన్టీఆర్‌కు అవకాశాలు క్యూ కడుతున్నాయి. బాలీవుడ్ ప్రాజెక్ట్స్ కోసం కూడా దర్శక నిర్మాతలు తారక్ని సంప్రదిస్తున్నారు. ఇటీవల ఎన్టీఆర్, హృతిక్ రోషన్ కాంబోలో వార్- 2 ఖరారైంది. దీని కోసం భారీగా పారితోషకం తీసుకుంటున్నట్లు సమాచారం.
సినిమాలతో పాటు పలు వాణిజ్య సంస్థలు కూడా ఎన్టీఆర్ వెంట పడుతున్నాయి. కొన్నిరోజుల క్రితం తారక్ నటించిన మెక్ డొనాల్డ్స్ యాడ్ విడుదలైంది. ఈ యాడ్లో తారక్ కొత్త లుక్లో కనిపించి అలరించారు. అయితే మెక్ డొనాల్డ్ యాడ్ కోసం ఎన్టీఆర్ భారీగా రెమ్యూనరేషన్ తీసుకున్నట్లు తెలుస్తోంది. అక్షరాలా రూ. 8కోట్లు వసూలు చేసినట్టు సమాచారం. తారక్ కొత్త యాడ్ తమ బిజినెస్‌కు ప్లస్ అవుతుందని భావించినా మెక్ డొనాల్డ్స్ యాజమాన్యం ఎన్టీఆర్ డిమాండ్ మేరకు రెమ్యూనరేషన్ చెల్లించనట్టు వార్తలు వస్తున్నాయి.
ప్రస్తుతం జూ.ఎన్టీఆర్ దేవర సినిమాలో నటిస్తున్నారు. చిత్ర షూటింగ్ ఇటీవలే ప్రారంభమైంది. కొరటాల శివ దర్శకత్వంలో తెరకెక్కుతున్న ఈ చిత్రంతో బాలీవుడ్ నటి జాన్వీ కపూర్ తెలుగులో ఆరంగ్రేటం చేస్తోంది. ప్రముఖ నటుడు ప్రకాష్ రాజ్, సైఫ్ అలీ ఖాన్‌ దేవర సినిమాలో కీలక పాత్రలు పోషిస్తున్నారు. వచ్చే సంవత్సరం ఈ సినిమా విడుదల కానుంది.
