Tecno Pova 5 series: మార్కెట్‌లోకి 'టెక్నో' కొత్త ఫోన్లు..ధర రూ.15 వేల లోపే
ప్రముఖ స్మార్ట్ ఫోన్ల కంపెనీ టెక్నో రెండు కొత్త స్మార్ట్ ఫోన్లను లాంచ్ చేసింది. టెక్నో పోవా 5 సిరీస్ లో భాగంగా విడుదల చేసిన ఈ ఫోన్లలో ఒకటి టెక్నో పోవా 5 కాగా.. మరొకటి టెక్నో పోవా 5 ప్రో. ఈ రెండు డివైజ్ లు కూడా 6.78 అంగుళాల ఫుల్ హెచ్ డీ ప్లస్ డిస్ ప్లేతో వస్తాయి. 120హెర్జ్ రిఫ్రెష్ రేట్ ఉంటుంది. రెండింటిలోనూ 50 మెగాపిక్సెల్ రెయిర్‌ డ్యూయల్ కెమెరా సెటప్ ఉంటుంది. సెల్ఫీల కోసం 8 మెగాపిక్సెల్ ఫ్రంట్‌ కెమెరా ఉంది. ఇవి ఆండ్రాయిడ్ 13 పై రన్ అవుతుంది. టెక్నో పోవా 5 ప్రో ఫోన్లో టెక్ ఇండస్ట్రీలోనే మొట్టమొదటి సారిగా 3డీ టెక్స్చర్ డిజైన్, ఏఆర్సీ ఇంటర్ ఫేస్ తో వస్తోంది. మల్టీ కలర్డ్ ఎల్ఈడీ బ్యాక్ లైట్ తో వస్తుంది. సైడ్ మౌంటెడ్ ఫింగర్ ప్రింట్ సెన్సార్ ఉంటుంది.
ఈ టెక్నో పోవా 5 ఫోన్ హర్రికేన్ బ్లూ, యాంబర్ గోల్డ్, మెకా బ్లాక్ కలర్ ఆప్షన్లలో అందుబాటులో ఉంటుంది. టెక్నో పోవా 5 ప్రో మాత్రం సిల్వర్ ఫ్యాంటసీ, డార్క్ ఇల్యూషన్ కలర్ ఆప్షన్లలో అందుబాటులో ఉంటుంది. అయితే ఈ ఫోన్ల ధరలను సంస్థ తాజాగా ప్రకటించింది. టెక్నో పోవా 5 ధర రూ. 11,999. పోవా 5 ప్రో ధర రూ. 14,999. ఫలితంగా ఈ రెండు మొబైల్స్.. బడ్జెట్ ఫ్రెండ్లీ స్మార్ట్ఫోన్ సెగ్మెంట్లో ఉన్న పోటీని మరింత పెంచేశాయి.
ఈ స్మార్ట్ఫోన్స్ ఫీచర్స్ ఇవే..
టెక్నో పోవా 5లో మీడియా టెక్ హీలియో జీ99 చిప్సెట్ ఉండగా.. ప్రో మోడల్లో మీడియాటెక్ డైమెన్సిటీ 6080 ప్రాసెసర్ లభిస్తోంది.
టెక్నో పోవా 5.. ఆంబర్ గోల్డ్, హరికెన్ బ్లూ, మెచా బ్లాక్ రంగుల్లో అందుబాటులో ఉండనుంది. ప్రో మోడల్లో డార్క్ ఇల్యూషన్స్, సిల్వర్ ఫ్యాంటసీ కలర్ ఆప్షన్స్ లభిస్తున్నాయి.
టెక్నో పోవా 5లో 6000ఎంఏహెచ్ బ్యాటరీ (45వాట్ ఫాస్ట్ ఛార్జింగ్), పోవా 5 ప్రోలో 5,000 ఎంఏహెచ్ బ్యాటరీలు (68వాట్ ఫాస్ట్ ఛార్జింగ్) ఉన్నాయి. వీటిలో 4జీ వోల్ట్ఈ, వై-ఫై, బ్లూటూత్ 5.0, జీపీఎస్, టైప్-సీ పోర్ట్, ఎన్ఎఫ్సీ, 3.5ఎంఎం ఆడియో జాక్లు వస్తున్నాయి.
ఇక ఈ మోడల్స్.. ఆగస్టు 22 నుంచి అమోజాన్లో అందుబాటులోకి వస్తాయి. స్మార్ట్ఫోన్ ఎక్స్ఛేంజ్తో రూ. 1000 తగ్గింపు కూడా వస్తుండటం విశేషం.
