అభ్యర్థులకు అలర్ట్.. టీఎస్పీఎస్సీ వెబ్సైట్లో అకౌంట్స్ ఆఫీసర్ హాల్ టికెట్లు

అకౌంట్స్ ఆఫీసర్ పరీక్ష రాసే అభ్యర్థులకు టీఎస్పీఎస్సీ హాల్ టికెట్లు అందుబాటులోకి తెచ్చింది. https://www.tspsc.gov.in వైబ్ సైట్లో టీఎస్పీఎస్సీ ఐడీ, డేట్ ఆఫ్ బర్త్ ఎంటర్ చేసి వాటిని డౌన్ లోడ్ చేసుకోవచ్చని ప్రకటించింది. మున్సిపల్‌ అడ్మినిస్ట్రేషన్‌ అండ్‌ అర్బన్‌ డెవలప్‌మెంట్‌ డిపార్ట్‌మెంట్‌లో ఖాళీగా ఉన్న‌ 78 అకౌంట్స్‌ ఆఫీసర్‌ ఉద్యోగాలకు కమిషన్ ఈ నెల 8వ తేదీన రాత ప‌రీక్ష నిర్వ‌హించనుంది. ఇందుకోసం టీఎస్‌పీఎస్సీ అన్ని ఏర్పాట్లు పూర్తి చేసింది.

8న ఉదయం 10 గంటల నుంచి మ‌ధ్యాహ్నం 12.30 వరకు, మధ్యాహ్నం 2.30 గంటల నుంచి సాయంత్రం 5 గంటల వరకు పరీక్ష జరగనుంది. ఎగ్జామ్ ప్రారంభానికి 45 నిమిషాల ముందు వరకు వెబ్‌సైట్‌లో హాల్‌టికెట్లు అందుబాటులో ఉంటాయని అధికారులు చెప్పారు. అభ్యర్థులు హాల్‌టికెట్‌ వెనుక ఉన్న ముద్రించిన నిబంధనలన్నీ పాటించాలని అన్నారు. వెబ్‌సైట్‌లో మాక్‌ టెస్ట్ లకు సంబంధించి లింకులను సైతం అందుబాటులోకి తీసుకువచ్చారు. పరీక్షకు ముందు అభ్యర్థులు ప్రాక్టీస్‌ చేసేందుకు ఇవి ఉపయోగపడనున్నాయి. వెబ్‌సైట్‌లో అందుబాటులో ఉంచారు.