దేశంలోని టాప్ విద్యా సంస్థల్లో HCU.. ఎన్నో ర్యాంక్ అంటే..

కేంద్ర ప్రభుత్వం విద్యా సంస్థల ర్యాంకింగ్స్ ను విడుదల చేసింది. 2022 సంవత్సరానికి గాను తెలుగు రాష్ట్రాలకు చెందిన ప్రతిష్టాత్మక విద్యా సంస్థలు మంచి ర్యాంక్ సాధించాయి. యూనివర్సిటీ ఆఫ్ హైదరాబాద్ (HCU) అత్యుత్తమంగా 10 ర్యాంక్ దక్కింది. ఎన్ఐటీ- వరంగల్ ఓవరాల్ ర్యాంకింగ్ లో 45 స్థానం దక్కించుకోగా.. ఉస్మానియా యూనివర్సిటీ 46వ స్థానం లభించింది. యూనివర్సిటీల విభాగంలో ఓయూకు 22వ స్థానం దక్కగా.. ఆంధ్యా యూనివర్సిటీకి 36వ స్థానం దక్కింది.

ఓవరాల్ ర్యాంకింగ్స్‌లో ఐఐటీ-మద్రాస్ అగ్ర స్థానం దక్కించుకుంది. ఆ తర్వాత స్థానాల్లో.. ఐఐఎస్సీ-బెంగళూరు, ఐఐటీ-బాంబే, ఐఐటీ-ఢిల్లీలు వరుసగా 2,3,4 స్థానాల్లో నిలిచాయి. 10వ స్థానంలో జవహర్ లాల్ నెహ్రూ యూనివర్సిటీ ఉంది. యూనివర్సిటీల ర్యాంకింగ్‌లో టాప్ ర్యాంక్ లో ఐఐఎస్సీ-బెంగళూరు నిలవగా.. రెండో స్థానంలో జేఎన్యూ-న్యూఢిల్లీ, మూడోస్థానంలో జామియా మిలియా యూనివర్సిటీ-న్యూఢిల్లీ నిలిచాయి.

ఇంజినీరింగ్ విభాగంలో.. ఐఐటీ- మద్రాస్, 10వ స్థానంలో ఐఐటీ- హైదరాబాద్ ఉన్నాయి. మేనేజ్మెంట్ విభాగంలో టాప్ ర్యాంక్ లో ఐఐఎం-అహ్మదాబాద్, రెండో స్థానంలో ఐఐఎం-బెంగళూరు నిలిచాయి. ఇదిలా ఉండగా ఫార్మసీ విభాగంలో.. అగ్ర స్థానంలో జామియా హమ్‌దర్ద్ (న్యూఢిల్లీ), రెండోస్థానంలో నేషనల్ ఇన్‌స్టిట్యూట్ ఆఫ్ ఫార్మాస్యూటికల్ ఎడ్యుకేషన్ అండ్ రీసెర్చ్ (హైదరాబాద్) ఉన్నాయి. ఆర్కిటెక్చర్ విభాగంలో.. అగ్ర స్థానంలో ఐఐటీ-రూర్కీ, 7వ స్థానంలో స్కూల్ ఆఫ్ ప్లానింగ్ అండ్ ఆర్కిటెక్చర్ (విజయవాడ) నిలిచాయి.

లా విభాగంలో.. టాప్ ర్యాంక్ లో నేషనల్ లా స్కూల్ ఆఫ్ ఇండియా యూనివర్సిటీ- బెంగళూరు, 4వ ర్యాంక్ లో నల్సార్ యూనివర్సిటీ-హైదరాబాద్ నిలిచాయి. డెంటల్ విభాగంలో.. సవీత ఇన్‌స్టిట్యూట్ ఆఫ్ మెడికల్ అండ్ టెక్నికల్ సైన్సెస్-చెన్నై, రెండో స్థానంలో.. మణిపాల్ కాలేజ్ ఆఫ్ డెంటల్ సైన్సెస్-మణిపాల్ ఉన్నాయి. వైద్య విద్య విభాగంలో.. అగ్రస్థానంలో ఎయిమ్స్-న్యూఢిల్లీ, రెండోస్థానంలో పీజీఐఎంఈఆర్ (PGIMER)-చండీగఢ్, 3వ స్థానంలో క్రిస్టియన్ మెడికల్ కాలేజీ-వెళ్లూర్ నిలిచాయి.