నిరుద్యోగులకు గుడ్‌న్యూస్..ఇస్రోలో ఉద్యోగాలు
ఇస్రోలో ఉద్యోగం చేయాలనుకునే వారికి శుభవార్త. పలు ఉద్యోగాలకు దరఖాస్తులు కోరుతూ నోటిఫికేషన్ వెలువడింది. ఈ నోటిఫికేషన్ ద్వారా సైంటిస్ట్/ఇంజనీర్-SD, సైంటిస్ట్/ఇంజనీర్-SC పోస్టులను భర్తీ చేయనున్నారు. మొత్తం 61 ఖాళీలు ఉన్నాయి. ఆసక్తి గల అభ్యర్థులు vssc.gov.inలో ధరఖాస్తు చేసుకోవచ్చు. ధరఖాస్తు చేసుకోవడానికి జులై 21 సాయంత్రం వరకు అవకాశం ఉంది.
అప్లికేషన్‌ ఫీజు
సైంటిస్ట్/ఇంజనీర్-SD పోస్టులకు ఎలాంటి అప్లికేషన్‌ ఫీజు చెల్లించాల్సిన అవసరం లేదు. సైంటిస్ట్/ఇంజనీర్-SC పోస్ట్ కోసం అప్లికేషన్‌ ఫీజు రూ.750 చెల్లించాలి. స్త్రీ/ SC/ ST/ EX-SM, PWBD అభ్యర్థులకు రాత పరీక్షకు కచ్చితంగా హాజరైతే పూర్తి ఫీజును రీఫండ్‌ చేస్తారు. ఇతర అభ్యర్థులకు రాత పరీక్షకు హాజరైన తర్వాత వర్తించే బ్యాంకు ఛార్జీలను సక్రమంగా తీసివేసి నిర్ణీత సమయంలో రూ.500 మొత్తం రీఫండ్‌ చేస్తారు.
అర్హతలు
గుర్తింపు పొందిన విశ్వవిద్యాలయం నుండి సంబంధిత విభాగంలో Ph.D/M.E./M.Tech./B.E./B.Tech చేసి ఉండాలి. అర్హత కలిగిన అభ్యర్థులకు మాత్రమే రాత పరీక్షకు పిలుస్తారు. రాత పరీక్షను అహ్మదాబాద్, చెన్నై, ఎర్నాకులం, హైదరాబాద్ , తిరువనంతపురంలో ఉంటుంది. అభ్యర్థులు షరతులకు లోబడి మల్టిపుల్ పోస్టులకు దరఖాస్తు చేసుకోవచ్చు. అయితే మల్టిపుల్ పోస్టులకు దరఖాస్తు చేసుకునే అభ్యర్థులు ఒకే రాత పరీక్ష కేంద్రాన్ని సెలక్ట్‌ చేసుకోవాలి.
ఎంపిక విధానం
రాత పరీక్ష ఫలితాల ఆధారంగా ఇంటర్వ్యూకు పిలుస్తారు. అభ్యర్థులు కనీసం 10 మంది అభ్యర్థులతో 1:5 నిష్పత్తిలో ఇంటర్వ్యూ కోసం షార్ట్-లిస్ట్ చేస్తారు. రిజర్వ్ చేసిన ఖాళీలకు 1:5 రేషియోలో రిజర్వ్ కాని అభ్యర్థులతో సంబంధం లేకుండా UR కేటగిరీ కింద షార్ట్-లిస్ట్ చేస్తారు. రాత పరీక్ష మార్కులకు 50% వెయిటేజీ, ఇంటర్వ్యూ మార్కులకు 50% వెయిటేజీ ఇస్తారు.
జీతభత్యాలు..
సైంటిస్ట్/ఇంజనీర్-SD లెవల్‌ 11 పోస్టులకు పే స్కేల్ రూ.67,700 – రూ.2,08,700 కాగా.. సైంటిస్ట్/ఇంజనీర్-SC లెవల్‌ 10 పోస్టులకు పే స్కేల్ రూ.56,100 నుంచి రూ.1,77,500గా ఉంది.
