Teacher Transfers : సెప్టెంబర్ 3 నుంచి టీచర్ల బదిలీ.. ప్రక్రియ ఇలా ఉంటుంది!

తెలంగాణ ప్రభుత్వం టీచర్ల బదిలీకి గ్రీన్ సిగ్నల్ ఇచ్చింది. వివాదాలతో కొన్ని నెలలుగా ఆగిన బదిలీలు, పదోన్నతుల ప్రక్రియపై గురువారం (ఆగస్ట్ 31) విద్యాశాఖ మంత్రి సబితా ఇంద్రారెడ్డి సమీక్ష నిర్వహించారు. సెప్టెంబర్ 3 నుంచి బదిలీ ప్రక్రియ చేపట్టాలని నిర్ణయించారు. హైకోర్టు ఆదేశాలకు లోబడి బదిలీలు చేయాలని ఉన్నతాధికారులను విద్యాశాఖ ఆదేశించింది. పారదర్శకంగానే బదిలీల ప్రక్రియ నిర్వహించాలని సూచించారు. దీనిపై విధివిధానాలు రూపొందించాలని అధికారులను ఆదేశించారు. బదిలీలు కోరే టీచర్ల నుంచి దరఖాస్తులు తీసుకోవాలని, సాంకేతిక సమస్యలు తలెత్తకుండా జాగ్రత్త వహించాలని దిశా నిర్దేశం చేశారు. కాగా, సెప్టెంబర్ 3న మొదలుపెట్టి.. అక్టోబర్ 3లోగా టీచర్ల బదిలీలు పూర్తి చేయాలని భావిస్తున్నారు. శుక్రవారం లేదా శనివారం దీనిపై పూర్తి షెడ్యూల్ విడుదలవుతుంది.