Inter Exams : వారం రోజుల్లో ఇంటర్ ఎగ్జామ్స్ షెడ్యూల్.. ప్రతిపాదనలు సిద్ధం..
తెలంగాణలో ఇంటర్ ఎగ్జామ్స్ షెడ్యూల్పై ఇంటర్మీడియట్ బోర్డు కసరత్తు చేస్తోంది. వార్షిక పరీక్షల కోసం మొత్తం మూడు షెడ్యూళ్లను బోర్డు సిద్ధం చేసినట్లు తెలుస్తోంది. వచ్చే ఏడాది ఫిబ్రవరి 28, మార్చి 1, మార్చి 5 నుంచి పరీక్షలను ప్రారంభించేలా నివేదికను రూపొందించింది. దీనికి సీఎం రేవంత్‌రెడ్డి ఆమోదం లభించగానే షెడ్యూల్‌ను విడుదల చేయనున్నారు. ఈ క్రమంలో వారం రోజుల్లో ఎగ్జామ్స్ షెడ్యూల్ విడుదలయ్యే అవకాశం ఉంది. పార్లమెంట్ ఎన్నికల నేపథ్యంలో ఈ ఏడాది ముందుగానే ఇంటర్ ఎగ్జామ్స్ నిర్వహించనున్నారు. ప్రాక్టికల్స్‌ను ఫిబ్రవరి మొదటి వారంలో నిర్వహించే ఛాన్స్ ఉంది.
ఏప్రిల్‌ 1 -15 మధ్య జేఈఈ మెయిన్స్ చివర విడత ఎగ్జామ్స్ ఉన్నాయి. కాబట్టి ఇంటర్ పరీక్షలు ముగిసిన తర్వాత కొంత టైం ఉంటే విద్యార్థులు ప్రిపేర్ అవడానికి వీలవుతుంది. అదేవిధంగగా ఇంటర్ తర్వాతే టెన్త్ పరీక్షలు నిర్వహించాలి. ఈ సారి జూన్‌ 1 నుంచే ఇంటర్ కాలేజీలు ప్రారంభంకావడంతో గతేడాది కంటే ముందే పరీక్షలు ప్రారంభించాలని ప్రతిపాదనలు సిద్ధం చేశారు. ఫస్టియర్‌లో 4.5 లక్షలు, సెకండియర్‌లో 4.8 లక్షల మంది విద్యార్థులు ఎగ్జామ్స్ రాయనున్నారు. గతేడాది మార్చి 15 నుంచి ఇంటర్మీడియట్ ఎగ్జామ్స్ జరిగాయి.
