నాకు ఆ డైలాగ్స్ నచ్చలేదు..'ఆదిపురుష్' నటుడు
భారీ బడ్జెట్తో భారీ అంచనాలతో రిలీజైన ఆదిపురుష్ సినిమా బాక్సాఫీస్ వద్ద బోల్తా పడింది. సినిమా హిట్ టాక్ పక్కన పెడితే, ఆదిపురుష్పైన రోజుకో వివాదం పుట్టుకొస్తోంది. సినిమా బాగోలేదని, హిందువుల మనోభావాలు దెబ్బతీశారని, రాముడి పాత్రకు ప్రభాస్ న్యాయం చేయలేదని, ఓం రౌత్ కథ అస్సలు బాగాలేదని ఇలా రకరకాలుగా ఆదిపురుష్ సోషల్ మీడియాలో ట్రోల్ అవుతూనే ఉంది. తాజాగా ఈ సినిమాలో నటించిన నటుడు కూడా ఆదిపురుష్పై కాంట్రవర్సీ కామెంట్స్ చేశాడు. ‘ఆదిపురుష్’లోని కొన్ని డైలాగ్స్ తనకు నచ్చలేదని, సినిమాకు ఇంత నెగిటివిటీ వస్తుందని అస్సలు ఊహించలేదని చెప్పాడు. దీంతో ఇప్పుడు మరోసారి ఆదిపురుష్ వార్తల్లోకెక్కింది.
ఓంరౌత్‌ డైరెక్షన్లో వచ్చిన ‘ఆదిపురుష్’లో రావణాసురుడి సోదరుడు కుంభకర్ణుడి పాత్రలో కనిపించారు పంజాబీ నటుడు లావీపజ్నీ.
ఇతనికి సినిమాలో పెద్దగా సీన్స్ లేకపోయినా , కనిపించినంత సేపు ప్రేక్షకులను అలరించాడు. తాజాగా లావీపజ్నీ ఓ ఇంటర్వ్యూలో ఆదిపురుష్కు వస్తోన్న నెగెటివ్‌ గురించి మాట్లాడటమే కాకుండా సినిమాపై వివాదాస్పద వ్యాఖ్యలు చేశారు. ‘‘ఈ సినిమా షూటింగ్ సమయంలో ఇన్ని కాంట్రవర్సీలు వస్తాయని ఎవరూ ఊహించలేదు. చిత్రంలో చాలా వరకు వివాదాస్పద డైలాగులు తీసేసినప్పటికీ.. ఒక హిందువుగా నేను ఆ డైలాగ్స్ విన్నప్పుడు చాలా ఆవేదనకు లోనయ్యా, నాకు నిజంగా ఆ డైలాగులు నచ్చలేదు’’ అని లావీపజ్నీ తెలిపాడు.
