ఎస్..ఎస్..ఐ యామ్ ఇన్ లవ్...అంటున్న తమన్నా

మిల్కీ బ్యూటీ తమన్నా గురించి ప్రత్యేకంగా చెప్పాల్సిన పని లేదు. తన అందం, నటన, డ్యాన్స్ మూవ్స్‎తో టాలీవుడ్ ఇండస్ట్రీని ఓ రేంజ్‎లో షేక్ చేసేసింది ఈ బ్యూటీ. తెలుగులో తమన్నా నటించి చానాళ్లే అయినప్పటికీ కుర్రకారు గుండెల్లో ఇప్పటికీ అభిమాన తారగా నిలిచిపోయింది. ప్రస్తుతం బాలీవుడ్‎లో సెటిల్ అయిన ఈ చిన్నది హిందీ వెబ్‎సిరీస్‎లలో నటిస్తూ ప్రేక్షకులను అలరిస్తోంది. తాజాగా తమన్నా భోళా శంకర్ సినిమాలో మెఘాస్టార్‎తో జోడీ కట్టింది. త్వరలో తెరముందు సందడి చేసేందుకు సిద్ధమైంది. ఇదంతా పక్కన పెడితే గత కొంత కాలంగా బాలీవుడ్ క్రేజీ స్టార్ యాక్టర్ విజయ్ వర్మతో డేటింగ్ రూమర్స్‎తో తమన్నా నిత్యం వార్తల్లో నిలుస్తోంది. ఎట్టకేలకు ఈ రూమర్స్ నిజమేనని, ఎస్ ఎస్ ఐ యామ్ ఇన్ లవ్ అని క్లారిటీ ఇచ్చింది మిల్కీ బ్యూటీ. విజయ్ వర్మతో రిలేషన్‎లో ఉన్నానని స్పష్టం చేసింది తమన్నా.

నటుడు విజయ్ వర్మ, తమన్నాలు 'లస్ట్ స్టోరీస్ 2' అనే వెబ్ సిరీస్‎లో జోడీగా నటిస్తున్నారు. ఈ వెబ్ సిరీస్ షూటింగ్‎లోనే వీరిద్దరూ లవ్‎లో పడిపోయారట. ఈ విషయాన్ని స్వయంగా తమన్నానే రివీల్ చేసేసింది. వీరిద్దరూ కలిసి నటిస్తున్న మొదటి ప్రాజెక్ట్‎లోనే వారి మొదట ప్రేమకు బీజం పడిందని చెప్పింది తమ్ము. త్వరలో విడుదల కాబోతున్న ఈ వెబ్ సిరీస్ ప్రమోషన్స్‎లో తమన్నా తన లవ్ స్టోరీ గురించిన ఆసక్తికరమైన విషయాలను పంచుకుంది.

ఇంటర్వ్యూలో తమన్నా మాట్లాడుతూ.."నా కో పార్టనర్ అయినందున నేను విజయ్ వర్మను ఇష్టపడలేదు. నేనే చాలా మంది నటులతో కలిసి పని చేశాను. కానీ విజయ్ వర్మ మాత్రం వెరీ స్పెషల్. నాకేమైనా అయితే నాకు తాను రక్షణగా నిలబడతాడు అనే నమ్మకం నాకు ఉంది. మా ఇద్దరి మధ్య చాలా మంచి బాండింగ్ ఉంది. కెరీర్ లో అయినా, మరే విషయంలో అయినా నన్ను కిందకు లాగాలనుకునే వారి నుంచి నన్ను కాపాడుతాడు. నేను నాకంటూ ఓ అందమైన ప్రపంచాన్ని నిర్మించుకున్నాను. అనుకోకుండా నా ప్రపంచంలోకి నన్ను నన్నుగా అర్థం చేసుకునే వ్యక్తి వచ్చాడు. నన్ను విజయ్ చాలా బాగా చూసుకుంటాడు. తను ఎక్కడ ఉంటే అదే నా ప్రపంచం". అని తమన్నా తన లవ్ స్టోరీని రివీల్ చేసింది. దీంతో ఈ జంట త్వరలో పెళ్లి చేసుకోబోతోందనే టాక్స్ ఇండస్ట్రీలో జోరందుకున్నాయి.