హనుమంతుడిని ఎగతాళి చేసిన ఓం రౌత్.. వైరల్ అవుతోన్న ఓల్డ్ ట్వీట్
ఆదికావ్యం రామాయణం ఆధారంగా తెరకెక్కిన సినిమా ఆదిపురుష్. రామాయణ కథకే కొత్త హంగులద్ది చిత్రించాడు డైరెక్టర్ ఓం రౌత్. అయితే, ప్రస్తుతం ఆయన హనుమంతుడిపై చేసిన ఓల్డ్ ట్వీట్ ఒకటి వైరల్ అవుతోంది. అందులో ఓం రౌత్ హనుమంతుడిని ఎగతాళి చేసినట్లు మాట్లాడాడు. ప్రస్తుతం ఆ ట్వీట్ వైరల్ అవుతుండగా.. ఫ్యాన్స్ ఓం రౌత్ పై ఫైర్ అవుతున్నారు.
‘హనుమంతుడికి ఏమైనా చెవుడా? మా బిల్డింగ్ లో అయితే అలానే అనుకుంటున్నారు. ఇంత గట్టిగా సౌండ్ పెడుతున్నారు. అయినా అవి వినసొంపుగా ఏం లేవు. అసంబద్ధంగా ఉన్నాయ’ని ఎనిమిదేళ్ల క్రితం హనుమాన్ జయంతి సందర్భంగా ఈ ట్వీట్ చేశాడు. ఈ ట్వీట్ ను నిమో యాదవ్ అనే ట్విట్టర్ యూజర్.. రీ ట్వీట్ చేశాడు. ‘ఓం రౌత్ అవకాశం దొరికినప్పుడల్లా మన సంప్రదాయాలను, హనుమంతుడిని ఎగతాళి చేసి మాట్లాడాడు’ అంటూ రాసుకొచ్చాడు. ఈ విషయం తెలిసిన ఫ్యాన్స్ ఓం రౌత్ ను ట్రోల్ చేస్తున్నారు. దేవుడంటే నమ్మకం, భక్తి లేని వాడు.. దేవుడి సినిమాలు తీస్తున్నాడంటూ కామెంట్స్ పెడుతున్నారు. ఆ ట్వీట్ ప్రస్తుతం ఓం రౌత్ తన టైమ్ లైన్ నుంచి డిలీట్ చేసినప్పటికీ.. అది కాస్త వైరల్ అయింది.
He kept on mocking our Hindu God Hanuman ji whenever he got the chance.
— Dr Nimo Yadav (@niiravmodi) June 17, 2023
Today he deleted the tweet which was on his Twitter timeline since 8 years.@omraut stop mocking our dharma pic.twitter.com/3qJKPOxE3o
