ఆదిపురుష్ సినిమా టికెట్ల ధ‌ర‌ల పెంపు... తెలంగాణలో 6 షోలకు అనుమతి
ప్యాన్ ఇండియా స్టార్ ప్రభాష్ రాముడిగా నటిస్తున్న చిత్రం ఆదిపురుష్ . బాలీవుడ దర్శకుడు ఓం రౌత్ ఈ చిత్రాన్ని తెరకెక్కించాడు. భారీ అంచనాల మధ్య ఈనెల 16న ప్రపంచ వ్యాప్తంగా రిలీజ్ కానుంది. ఈ నేపథ్యంలో ఆదిపురుష్ సినిమా టికెట్ల ధ‌ర‌ల పెంపుకు తెలంగాణ ప్రభుత్వం గ్రీన్ సిగ్నల్ ఇచ్చింది. సింగిల్‌ స్క్రీన్‌ థియేటర్‌లలో టికెట్‌పై రూ.50 పెంచేందుకు అనుమతిచ్చింది. మూడు రోజులు పాటు మాత్రమే ఈ అవకాశం ఉండనుంది. అలాగే ఆరో షోలు వేసేందుకు కూడా అంగీకారం తెలింది. ఉదయం 4గం.ట నుంచి ‘ఆది పురుష్‌’ను థియేటర్‌లలో ప్రదర్శించుకోవచ్చంటూ తెలంగాణ ప్రభుత్వం నుంచి ఉత్తర్వులు వెలువడ్డాయి.
ప్రస్తుతం సింగిల్‌ స్క్రీన్‌ థియేటర్‌లో ప్రస్తుతం టికెట్‌ ధర రూ.175 ఉండగా, దీనికి అదనంగా రూ.50 చెల్లించాలి. మరోవైపు ఆంధ్రప్రదేశ్ ప్రభుత్వం కూడా టికెట్‌ ధరపై రూ.50 పెంచినట్లు సమాచారం. దీనిపై అధికారిక ప్రకటన రావాల్సి ఉంది.
