Naa Saamiranga Movie: నాగార్జున గారూ.. అనౌన్స్ చేయండి సార్
సంక్రాంతి అనగానే ఆరు నెలల ముందుగానే కర్ఛీఫ్ లు వేస్తుంటారు స్టార్ హీరోలు మేకర్స్. ఆ డేట్ కు ఉండే క్రేజ్ అది. అలాగే కాంపిటీషన్ కూడా భారీగానే ఉంటుంది. అయినా కాంపిటీషన్ ఉంటేనే కదా.. ఖలేజా తెలిసేది. ఫెస్టివ్ సీజన్ లో వస్తే యావరేజ్ సినిమాలు కూడా హిట్టెక్కుతాయి. ఇక 2024 సంక్రాంతి మూవీస్ లిస్ట్ రెడీ అయింది. డేట్స్ కూడా ఫిక్స్ అయ్యాయి. అయితే ఓపెనింగ్ రోజే సంక్రాంతి అని చెప్పిన స్టార్ మాత్రం ఇంకా డేట్ అనౌన్స్ చేయలేదు. పైగా సడెన్ గా వచ్చిన సైంధవ్ కూడా డేట్ చెప్పేసింది. ఇంక ఈయన కూడా ఒక రోజు అనుకుంటే నా సామిరంగా సంక్రాంతి రేస్ రంజుగా మారుతుంది.
సంక్రాంతి సీజన్ అంట సమ్మర్ కంటే ఎక్కువ హ్యాపీగా ఫీలవుతారు టాలీవుడ్ మేకర్స్. సంక్రాంతికి సినిమాలు కూడా చూస్తేనే కానీ పండగ పూర్తయినట్టు కాదు అనే సంప్రదాయం తెలుగువాళ్లలో ఉండటమే ఇందుకు కారణం. ఇప్పటికే సంక్రాంతి బరిలో హను మాన్, గుంటూరు కారం, ఈగిల్, సైంధవ్, ఫ్యామిలీ స్టార్ వంటి చిత్రాలున్నాయి. ఇవన్నీ దాదాపు డేట్స్ ఫిక్స్ చేసుకునే ఉన్నాయి. అయితే ఓపెనింగ్ రోజునే సంక్రాంతికే వస్తున్నాం అని చెప్పాడు నాగార్జున అక్కినేని. ఆయన హీరోగా నటిస్తోన్న 99వ సినిమా నా సామిరంగాను పొంగల్ బరిలోనే నిలపబోతున్నాడు. ఈ మేరకు చాలా వేగంగా షూటింగ్ కూడా చేస్తున్నారు. ఇప్పటికే మూడొంతుల చిత్రీకరణ వరకూ అయిందని సమాచారం. మరోవైపు బిగ్ బాస్ హోస్ట్ గానూ ఫుల్ బిజీగా ఉన్నాడు నాగార్జున. పొరింజు మరియం జోస్ అనే మళయాల చిత్రాన్ని తెలుగులో రీమేక్ చేస్తున్నాడు నాగ్. అయితే నాగ్ ఇమేజ్ తో పాటు మన ప్రేక్షకుల అభిరుచి మేరకు అనేక మార్పులు చేసినట్టు చెబుతున్నారు. నిజానికి 99వ సినిమాను సెలెక్ట్ చేసుకోవడానికే నాగ్ చాలా టైమ్ తీసుకున్నాడు. ఫైనల్ గా ఈ రీమేక్ తో వస్తున్నాడు. ఈ చిత్రంతో విజయ్ బిన్నిని దర్శకుడుగా పరిచయం చేస్తున్నాడు నాగార్జున. ఇక ఈ మూవీలో నాగ్ తో పాటు అల్లరి నరేష్ కూడా ఓ కీలక పాత్ర చేస్తున్నాడు. అతనికి సంబంధించిన క్రూషియల్ పార్ట్ షూటింగ్ కూడా పూర్తయిందంటున్నారు. నాగ్ సరసన ఆషికా రంగనాథ్ ఫీమేల్ లీడ్ లో నటిస్తోంది. అవుట్ అండ్ అవుట్ మాస్ ఎంటర్టైనర్ గా వస్తోన్న ఈ మూవీ రిలీజ్ డేట్ విషయంలో ఎందుకో నాగార్జున కాస్త వెనకా ముందుగా ఆలోచిస్తున్నాడు అంటున్నారు. అసలు సంక్రాంతి రేస్ నుంచి తప్పుకునే అవకాశాలున్నాయనే వారూ ఉన్నారు. బట్ ఈ మూవీ సంక్రాంతి బరిలో ఖచ్చితంగా ఉంటుందట. అన్నీ కుదిరితే జనవరి 15న విడుదల కావొచ్చు అంటున్నారు. కొన్నాళ్ల క్రితం ఇంతే భారీ పోటీలో అదే డేట్ కు విడుదలైన సోగ్గాడే చిన్ని నాయనా అతని కెరీర్ లోనే బెస్ట్ హిట్ గా నిలిచింది. ఆ సెంటిమెంట్ ఈ సారీ వర్కవుట్ అవుతుందనే నమ్మకం నాగ్ కు ఉంది. మరి అవుతుందా లేదా అనేది తర్వాత కానీ ముందు డేట్ అనౌన్స్ చేస్తే ఓ పనైపోతుంది కదా అనేది ఆయన ఫ్యాన్స్ ఫీలింగ్.
