Pushpa2 Dialogue Leaked : సిండికేట్ మొత్తం సెట్ చేయాలి.. పుష్ప -2 లీక్ డైలాగ్స్ అదుర్స్
స్టైలిష్ స్టార్‌గా పేరుతెచ్చుకున్న అల్లుఅర్జున్..పుష్పతో పాన్ ఇండియా రేంజ్లో మరింత పాపులారిటీ సంపాదించుకున్నాడు. పుష్ప రిలీజ్ ముందు వ‌ర‌కు తెలుగు ఇండస్ట్రీకే ప‌రిమిత‌మైన స్టైలిష్ స్టార్.. పుష్పతో ఐకాన్ స్టార్‌గా మారి ఓ రేంజ్ బ్లాక్‌బ‌స్ట‌ర్ హిట్ సాధించాడు. దీంతో అంద‌రూ పుష్ప 2 కోసం చాలా ఆతృతగా ఎదురు చూస్తున్నారు. ప్ర‌స్తుతం పుష్ప ది రూల్ చిత్రీక‌ర‌ణ‌ను జ‌రుపుకుంటోంది. రిలీజ్‌కు ముందే ఈ సినిమాపై బన్నీ ఫ్యాన్స్ భారీ అంచనాలు పెట్టుకున్నారు. ఇదిలా ఉంటే అల్లు అర్జున్కు పుష్ప సినిమాలో తన అద్భుతమైన నటనకు గాను రీసెంట్గా జాతీయ ఉత్తమ నటుడు అవార్డు వరించింది. తెలుగు హీరోలకు ఈ అవార్డు రావడం ఇదే తొలిసారి..
ఇదే క్రమంలో అల్లు అర్జున్ కోసం ఇన్స్టాగ్రామ్ ప్రతినిధులు సైతం హైదరాబాద్కు వచ్చారు. ఆయన మీద ఓ స్పెషల్ వీడియోని చేశారు. పుష్ప 2 సినిమా షూటింగ్ సెట్, కాస్ట్యూమ్స్, అల్లు అర్జున్ మేకప్, కారవాన్…ఇలా అన్ని విషయాలను ఆ వీడియోలో చూపించారు. ఈ క్రమంలోనే దర్శకుడు సుకుమార్ సీన్ వివరిస్తున్న తీరుని కూడా ఇన్స్టాగ్రామ్ ప్రతినిధులు చిత్రీకరించారు. అయితే సుకుమార్ చేతిలో ఉన్న డైలాగ్ పేపర్పైనే ఇప్పుడు అందరి చూపు పడింది. వాటిని జూమ్ చేసి చూస్తున్న అభిమానులు అందులో డైలాగ్స్ వైరల్ చేస్తున్నారు. ఈ క్రమంలో కొన్ని డైలాగ్స్ లీక్ అయ్యాయి. అందులో ఒక డైలాగ్ సోషల్ మీడియాలో చక్కర్లు కొడుతోంది.
కేశవ చెప్పిన డైలాగ్ను ఇప్పుడు అందరు వైరల్ చేస్తున్నారు. ముందు అయితే నీకు షెకావత్కే గొడవ మచ్చా, ఇప్పుడు మొత్తం సిండికేట్ కూడా ఇవ్వాల్వ్ అయ్యింది అని డైలాగ్ పేపర్లో ఉంది. ఇక ఇంస్టాగ్రామ్ వీడియోలో అల్లు అర్జున్ లుక్ను కూడా విడుదల చేయడం విశేషం. ఆ లుక్లో అల్లు అర్జున్ యాటిట్యూడ్, మేనరిజం ఆకట్టుకునేలా ఉన్నాయి. కూలీ నుండి సిండికేట్ హెడ్గా ఎదిగిన పుష్పరాజ్ ఏం చేస్తాడనేది పుష్ప 2 స్టోరీగా తెలుస్తుంది . అలాగే కథకు దర్శకుడు సుకుమార్ ఎలాంటి ముగింపు ఇచ్చాడనేడి ఆసక్తికరంగా మారింది.
ఇక పుష్ప 2 వచ్చే ఏడాది విడుదల కానుందని సమాచారం. అల్లు అర్జున్ కెరీర్లోనే భారీ బడ్జెట్ తో పుష్ప 2 తెరకెక్కుతుంది. మైత్రీ మూవీ మేకర్స్ దాదాపు మూడు వందల కోట్ల బడ్జెట్ కేటాయించినట్లు సమాచారం. వెయ్యి కోట్ల టార్గెట్తో పుష్ప 2 విడుదల కానుంది. ఇక పుష్ప 2లో అల్లు అర్జున్కి జంటగా రష్మిక మందన నటిస్తుంది. ఫహాద్ ఫాజిల్ విలన్ రోల్ చేస్తున్నారు. దేవిశ్రీ ఈ చిత్రానికి సంగీతం అందిస్తున్నారు. పుష్ప చిత్రంలోని పాటలకు దేవిశ్రీ ఉత్తమ సంగీత దర్శకుడిగా నేషనల్ అవార్డు అందుకున్నారు..దీనితో పుష్ప -2 సాంగ్స్పై కూడా అంచనాలు పెరిగాయి.
