'పుష్ప 2' డైలాగ్​ లీక్ చేసిన అల్లు అర్జున్

అల్లు అర్జున్ హీరోగా సుకుమార్ దర్శకత్వంలో తెరకెక్కుతన్న లేటెస్ట్ భారీ మాస్ యాక్షన్ పాన్ ఇండియా మూవీ పుష్ప 2. ప్రస్తుతం శరవేగంగా షూటింగ్ జరుపుకుంటున్న ఈమూవీని మైత్రి మూవీ మేకర్స్.. గ్రాండ్ లెవెల్లో నిర్మిస్తున్నారు. అయితే తాజాగా జరిగిన బేబీ మూవీ ప్రెస్ మీట్ లో భాగంగా పుష్ప 2 నుండి ఒక చిన్న డైలాగ్ ని సరదాగా లీక్ చేశారు ఐకాన్ స్టార్ అల్లు అర్జున్.

‘బేబి’ అప్రిసియేషన్ మీట్‌కు హాజరైన అల్లు అర్జున్.. ముందుగా మూవీ యూనిట్‌పై ప్రశంసలు కురిపించారు. ముఖ్యంగా వైష్ణవికి బెస్ట్ యాక్ట్రెస్ అవార్డు రావాలని కోరుకున్న ఆయన.. తెలుగు అమ్మాయిలు సినిమా ఇండస్ట్రీకి రావాలని పిలుపునిచ్చాడు. ఈ క్రమంలోనే అందరూ ముందుగా అనుకున్నట్లే ‘పుష్ప 2’ గురించి బిగ్గెస్ట్ లీక్ ఇచ్చాడు. ‘పుష్ప’లో ‘తగ్గేదేలే’ లెవల్ డైలాగ్ ‘పుష్ప : ది రూల్’లోనూ ఉంటుందని చెప్పాడు. సినిమా మొత్తం ఒకదానిపైనే ఆధారపడి ఉంటుందని చెప్తూ.. ‘ఈడంతా జరిగేది ఒకటే రూల్ మీద జరుగుతా ఉండాది.. పుష్ప రూల్’ అంటూ డైలాగ్ చెప్పేసి ఫ్యాన్స్‌ను ఖుష్ చేశాడు. బన్నీ చెప్పిన డైలాగ్‌ కొన్ని క్షణాల్లోనే నెట్టింట వైరల్‌గా మారింది.

‘పుష్ప : ది రైజ్’లో ‘తగ్గేదెలే’, ’పుష్ప అంటే ఫ్లవర్ అనుకుంటివా’ వంటి డైలాగ్స్ ఎంతలా ట్రెండ్ అయ్యాయో తెలిసిందే. ఈ క్రమంలో సీక్వెల్ లోనూ మరింత పవర్ ఫుల్ గా డైలాగ్స్ ను అందించబోతున్నారని అర్థం అవుతోంది. ప్రస్తుతం షూటింగ్ శరవేగంగా జరుగుతోంది. ఇప్పటికే పలు కీలక షెడ్యూళ్లను పూర్తి చేశారు. మిగితా పార్ట్ ను వేగంగా చిత్రీకరిస్తున్నారు. ఈ చిత్రంలో నేషనల్ క్రష్ రష్మిక మందన్న హీరోయిన్ గా నటిస్తోంది. ఫహద్ ఫాజిల్, సునీల్, అనసూయ కీలక పాత్రలు పోషిస్తుండగా.. మరికొందరు స్టార్ కాస్ట్ యాడ్ కాబోతున్నట్టు తెలుస్తోంది. మైత్రీ మూవీ మేకర్స్ బ్యానర్ పై గ్రాండ్ గా నిర్మిస్తున్నారు. దేవీశ్రీ ప్రసాద్ సంగీతం అందిస్తున్నారు.