'మరిచిపోలేని అనుభవం'.. ప్రాజెక్ట్ K పై అమితాబ్ స్పెషల్ ట్వీట్..
రెబల్ స్టార్ ప్రభాస్ హీరోగా నాగ్ అశ్విన్ దర్శకత్వంలో తెరకెక్కుతున్న సినిమా ప్రాజెక్ట్ K. దాదాపుగా 500 కోట్ల భారీ బడ్జెట్‌తో వైజయంతి మూవీస్ బ్యానర్‌పై ఈ సినిమాను రూపొందిస్తున్నారు. ప్రస్తుతం షూటింగ్ దశలో ఉన్న ఈ సినిమాలో అమితాబ్, కమల్ హాసన్ లాంటి ఉద్దండులతో పాటు బాలీవుడ్ హీరోయిన్లు దీపికా పదుకునే, దిశా పటానీు నటిస్తున్నారు. ఇప్పటికే ఈ సినిమాపై ప్రేక్షకుల్లో భారీ అంచనాలు ఉన్నాయి. వాటిని పెంచుతూ.. మూవీ టీమ్ గుడ్ న్యూస్ చెప్పింది. ప్రాజెక్ట్ K సినిమా కామిక్ కాన్ ఈవెంట్ లో పాల్గొనబోతున్నట్టు ప్రకటించింది. అమెరికాలో జరిగే శాన్ డియాగో కామిక్ కాన్ వేడుకలో ప్రాజెక్ట్ కె టైటిల్, గ్లింప్స్ ను ప్రదర్శించనున్నారు. దీంతో పాటు సినిమా రిలీజ్ డేట్ ను కూడా ప్రకటించనున్నారు. కామిక్ కాన్ వేడుకలు జులై 19 న ప్రారంభం అవనున్నాయి. మర్నాడు అంటే జులై 20న ఈ వేడుకల్లో ప్రభాస్, నాగ అశ్విన్, అమితాబ్, దీపికాలు పాల్గొంటున్నారు.
ఈ ఈవెంట్ లో పాల్గొనే మొదటి ఇండియన్ సినిమా ప్రాజెక్ట్ కేనే. ఈ విషయంలో మూవీ టీమ్ అంతా ప్రౌడ్ గా ఫీల్ అవుతుంది. ఇక ఈ విషయంలో స్పందించారు బిగ్ బీ అమితాబ్ బచ్చన్. ఈ విషయం గురించి స్పెషల్ ట్వీట్ కూడా చేశారు. "ఇది చాలా గర్వించదగ్గ విషయం... నేను ఇన్ని రోజులు ఈ సినిమా ఇంత పెద్దది, ఇంత ముఖ్యమైనది అనుకోలేదు. ఇప్పుడు నాకు తెలిసింది. వైజయంతి మూవీస్, డైరెక్టర్ నాగ్ సర్ కి, మొత్తం యూనిట్ కి నా మీద చూపించిన ప్రేమకు చాలా ధన్యవాదాలు. ఇంత గొప్ప సినిమాలో నేను భాగం అవ్వడం మర్చిపోలేని అనుభవం" అని ట్వీట్ చేశారు.
T 4697 - ... a proud moment for me .. I never realised how important and BIG this is ..
— Amitabh Bachchan (@SrBachchan) July 6, 2023
Now I know .. my wishes to Vyjayanthi Movies , Nag Sir and the entire unit for the affection they have given me , and to make me a part of this incredible experience 🙏 https://t.co/7c5vbQ0i5I
అమితాబ్ ఇలా ట్వీట్ చేయడంతో.. ట్విట్టర్‌లో ప్రభాస్ ఫ్యాన్స్ పొంగిపోతున్నారు. మరికొంత మంది మాత్రం.. మీరు కూడా ఈసినిమాలో నటిస్తున్నారుకదా.. సినిమా గొప్పతనం మీకు తెలికపోవడం ఏంటీ అని ఆడేసుకుంటున్నారు. అందర్జాతీయ సంస్థ గుర్తించిన సినిమా గొప్పతనాన్ని మనం కనిపెట్టలేకపోతున్నాం అన్నారు అమితాబ్..
