Anand Devarakonda Vaishnavi Chaitanya New Movie : బేబీ టీమ్ మరో సినిమా
బేబీ.. ఆనంద్ దేవరకొండ, వైష్ణవి చైతన్య, విరాజ్ అశ్విన్ ప్రధాన పాత్రల్లో నటించిన ఈ మూవీ ఈ యేడాది తెలుగులో సంచలన విజయం సాధించింది.ట్రైయాంగిల్ లవ్ స్టోరీగా వచ్చినా.. ఒక అమ్మాయి నిస్సహాయ స్థితిని అర్థం చేసుకోలేని ఇద్దరు ప్రేమికుల మధ్య తన జీవితం పాడైపోతుంది. ఈ ఇద్దరు కుర్రాళ్లలో ఒకరిది నిజమైన ప్రేమ. మరొకరిది అవకాశవాద ప్రేమ. ఆ రెంటి మధ్య నలిగిన బేబీ చివరికి విలన్ గా నిలిచింది. మొత్తంగా కల్ట్ క్లాసిక్ అనే ట్యాగ్ కూడా తెచ్చుకున్న ఈ మూవీ ఏకంగా 100కోట్లు కలెక్ట్ చేసి ఎంటైర్ ఇండస్ట్రీని ఆశ్చర్యపరిచింది. ఇందులో నటించిన ఈ ముగ్గురికీ యూత్ లో తిరుగులేని ఫాలోయింగ్ తెచ్చిందీ బేబీ. ఎస్కేఎన్ నిర్మించిన ఈ చిత్రాన్ని సాయి రాజేశ్ డైరెక్ట్ చేశాడు. ఇక ఈ కాంబో మరోసారి రిపీట్ అవుతోంది.
ఎస్కేఎన్, సాయి రాజేష్ నిర్మాతలుగా, సాయి రాజేష్అందించిన కథతో రవి నంబూరి దర్శకుడుగా పరిచయం అవుతున్న ఈ చిత్రంలో ఈ సారి ఆనంద్ దేవరకొండ, వైష్ణవి చైతన్య జంటగా నటిస్తున్నారు. కలర్ ఫోటో ఫేమ్ అమృతా ప్రొడక్షన్ హౌస్ తో పాటు ఎస్కేఎన్ మాస్ మూవీ మేకర్స్ సంయుక్తంగా నిర్మిస్తున్నారీ సారి. కథ, స్క్రీన్ ప్లే, మాటలు సాయి రాజేష్ అందించగా.. రవి నంబూరి దర్శకత్వం చేస్తున్నాడు. మరోసారి బేబీ సంగీత దర్శకుడు విజయ్ బుల్గానిన్ నే మ్యూజిక్ డైరెక్టర్ గా తీసుకున్నారు. మొత్తంగా మోస్ట్ క్రేజీ కాంబోగా పేరు తెచ్చుకున్న వీళ్లంతా మరోసారి కలిసి వస్తుండటం వల్ల ఈ మూవీపై ఆరంభం నుంచే అంచనాలు ఉంటాయి. దాంతో పాటే మేకర్స్ లో ఒత్తిడి కూడా ఉంటుంది. దాన్ని జయించి మరో విజయం అందుకుంటారేమో చూడాలి.
