Anushka Shetty : అనుష్క నెక్ట్స్ మూవీ ఏంటీ..?

అనుష్క శెట్టి.. మొన్నటి వరకూ టాలీవుడ్ టాప్ హీరోయిన్ గా ఓ వెలుగు వెలిగింది. వైవిధ్యమైన పాత్రలతో పూర్తి స్థాయి గ్లమరస్ రోల్స్ లోనూ మెరిసిన అనుష్క.. బాహుబలి తర్వాత తన ఇమేజ్ పూర్తిగా మారిపోయింది. ఆ క్రమంలో చేసిన భాగమతి సినిమా తన కెరీర్ లో మరో బెస్ట్ మూవీగా నిలిచింది. తర్వాత చేసిన సినిమాలేవీ పెద్దగా ఆకట్టుకోలేదు. రీసెంట్ గా వచ్చిన మిస్ శెట్టి మిస్టర్ పోలిశెట్టి మాత్రం కమర్షియల్ గా బానే ఆకట్టుకుంది. కాకపోతే ఆశించినంత పెద్ద విజయం సాధించలేదు. ఇక ఈ మంగళవారం తన బర్త్ డే సందర్భంగా అభిమానులకు ఓ సర్ ప్రైజింగ్ న్యూస్ చెప్పింది అనుష్క.

అనుష్క కెరీర్ చాలా వేగంగానే సాగింది. కాకపోతే బాహుబలికి కాస్త ముందు, తర్వాత మాత్రం స్లో అయింది. అందుకే ఇన్నేళ్లలో ఇతర హీరోయిన్లతో పోలిస్తే సంఖ్యాపరంగా తన సినిమాలు కాస్త తక్కువే. అయినా హీరోయిన్ల పరంగా చూసుకుంటే మాత్రం తను హాఫ్ సెంచరీకి చేరువైంది. యస్.. అనుష్క నెక్ట్స్ చేయబోయే సినిమా తనకు 50వది. అందుకే రెగ్యులర్ హీరోయిన్ టైప్ రోల్స్ లో కాకుండా తనే మెయిన్ గా ఉండేలా ప్లాన్ చేసుకుంది. ఆ ప్లాన్ లో భాగంగానే తన బ్లాక్ బస్టర్ మూవీ భాగమతికి సీక్వెల్ గా రూపొందించబోతున్నారు. ఈ సీక్వెల్ కు అనుష్క కూడా గ్రీన్ సిగ్నల్ ఇచ్చింది. భాగమతికి థమన్ నేపథ్య సంగీతం, మధీ సినిమాటోగ్రఫీ చాలా ప్లస్ అయ్యాయి. సినిమాకు హైలెట్ గా నిలిచాయి. ఈ సీక్వెల్ ను కూడా యూవీ క్రియేషన్స్ బ్యానరే నిర్మించబోతోంది. మరి దర్శకుడు ఎవరు, సంగీతం, సినిమాటోగ్రఫీ ఎవరు అనేది త్వరలోనే చెబుతారట. మరి ఈ సారి భాగమతి భగభగలు ఎలా ఉంటాయో చూడాలి.