మెగాస్టార్ ‘భోళా శంకర్’నుంచి మరో సూపర్ అప్డేట్...

మెగాస్టార్ ‘భోళా శంకర్’నుంచి మరో సూపర్ అప్డేట్...

మెహ‌ర్ ర‌మేష్ దర్శకత్వంలో మెగాస్టార్ చిరంజీవి నటిస్తున్న తాజా చిత్రం ‘భోళా శంకర్’. త‌మిళంలో విజ‌య‌వంత‌మైన వేదాళం మూవీ ఆధారంగా చిత్రాన్ని తెరకెక్కిస్తున్నారు. వాల్తేరు వీరయ్య సూపర్ హిట్ తర్వాత వస్తున్న చిరంజీవి ‘భోళా శంకర్’పై భారీ అంచనాలు నెలకొన్నాయి. ఇప్పటికే ఈ సినిమాకు సంబంధించి వరుసు అప్డేట్స్‌తో ఆసక్తి పెంచేశారు. తాజాగా మరో సూపర్ అప్డేట్ వచ్చింది.

జూన్ 2న భోళా శంకర్ ఫస్ట్ లిరికల్ సాంగ్‌ ప్రోమోను రిలీజ్ చేయనున్నారు. పూర్తి పాట జూన్ 4వ తేదిన విడుదల కానుంది. చిత్ర బృందంద విడుదల చేసిన పోస్టర్‌ను పరిశీలిస్తే.. మెగాస్టార్ చిరంజీవి ఇంట్రో సాంగ్‌ను రేపు విడుదల చేయనున్నట్టు తెలుస్తోంది.

ఆగస్టు 11 వ తేదినే భోళా శంక‌ర్ విడుదల కానుంది. రిలీజ్ ఎలాంటి ఆలస్యం కాదని మంగళ వారం చిత్రం బృందం క్లారిటీ ఇచ్చింది. త్వరలోనే ప్ర‌మోష‌న్స్ కూడా మొద‌లుకానున్నాయి. 2013లో రిలీజైన షాడో త‌ర్వాత దాదాపు ప‌దేళ్ల విరామం త‌ర్వాత భోళా శంక‌ర్ సినిమాను దర్శకుడు మెహర్ రమేష్ ఎంతో ప్రతిష్టాత్మకంగా తీసుకున్నాడు.

ఈ సినిమాలో హీరోయిన్‌గా తమన్నా..చిరంజీవి సోద‌రిగా కీర్తిసురేష్ నటించారు. మ‌ణిశ‌ర్మ త‌న‌యుడు మ‌హ‌తి స్వ‌ర సాగ‌ర్ సంగీతాన్ని అందిస్తోన్నాడు. భోళా శంకర్‌లో రామ్ చరణ్ కూడా ఓ రోల్ చేస్తున్నట్టు తెలుస్తోంది.

Another super update from Megastar 'Bhola Shankar'movie

Megastar chiranjeevi,'Bhola Shankar', update,'Bhola Shankar'lyrical song,released,tollywood news