వైష్ణవి బేబికి బంపర్ ఆఫర్
టిక్ టాక్, ఇన్స్టా వీడియోలతో పాపులర్ అయి...అక్కడి నుంచి యూట్యూబ్ వీడియోలు తర్వాత షార్ట్ ఫిల్మ్స్ చేసింది. తరువాత సినిమాల్లోకి ఎంటర్ అయి చెల్లెలు క్యారెక్టర్ లాంటి రోల్స్ కూడా చేసింది. ఒకే ఒక్క సినిమా ఆమె జీవితాన్నే మార్చేసింది. ఒక్కసారిగా హీరోయిన్ హోదాను తెచ్చిపెట్టింది. మెగాస్టార్ లాంటి వాళ్ళే ఆమె నటనకు ఫిదా అయ్యారంటే మామూలు విషయం కాదు. ఆ లక్కీ గర్లే బేబి సినిమాలో నటించిన వైష్ణవి చైతన్య. అదే క్రేజ్ తో ఆమె ఓ పెద్ద సినిమాలో ఛాన్స్ కొట్టేసిందని టాక్ నడుస్తోంది.
అల వైకుంఠపురంలో సినిమాలో అల్లు అర్జున్ సిస్టర్ గా కనిపించింది వైష్ణవి. ఇక బేబీ సినిమాలో హీరోయిన్ గా నటించి తన నటనతో కట్టిపడేసింది. ఆనంద్ దేవరకొండ హీరోగా నటించిన ఈ సినిమాలో వైష్ణవి చైతన్య హీరోయిన్ గా నటించింది. ఈ సినిమాలో తన నటనతో కట్టిపడేసింది వైష్ణవి. సినిమా చూసిన వారందరూ వైష్ణవి నటన పై ప్రశంసలు కురిపిస్తున్నారు.బేబి సినిమా తర్వాత ఈ అమ్మాయికి వరుసగా ఛాన్స్ లు వస్తున్నాయి. ఇందులో పూరీ జగన్నాథ్ సినిమా కూడా ఒకటని సమాచారం.
ప్రస్తుతం రామ్ తో పూరీ జగన్నాథ్ డబుల్ ఇన్మార్ట్ సినిమా చేస్తున్నారు. ఇందులో ఇద్దరు హీరోయిన్లు. అందులో ఒకరుగా వైష్ణవిని అనుకుంటున్నారుట పూరీ. బేబీ సినిమాలో ఆమె నటనకు ఫిదా అయిపోయిన పూరీ డబుల్ ఇస్మార్ట్ ఛాన్స్ ఇచ్చారని సమాచారం. కొన్నిరోజుల క్రితమే రామ్ కూడా వైష్ణవిని మెచ్చుకుంటూ బొకే కూడా పంపించారు. కాబట్టి ఈ వార్త నిజమే అయి ఉంటుందని అంటున్నాయి ఫిల్మ్ వర్గాలు. డబుల్ ఇస్మార్ట్ లో కనుక వైష్ణవి నటిస్తున్న మాట నిజమే అయితే ఆమె రేంజ్ మారిపోవడం ఖాయం అంటున్నారు విశ్లేషకులు. మరి ఆమె ఈ సినిమాలో నటిస్తుందో లేదో అఫీషియల్ న్యూస్ వచ్చే వరకూ వెయిట్ చేయాల్సిందే.
movies, telugu, ram potineni, puri jagannath, double ismart, vaishnavi, baby, heroin, bgi chance
