బేబి' వైష్ణవికి బలగం నుంచి వచ్చిన ఆఫర్..కానీ..
బేబి సినిమాతో ఓవర్ నైట్లో స్టార్ అయిపోయింది హైదరాబాదీ ముద్దుగుమ్మ వైష్ణవి చైతన్య. ఈ మూవీలో వైష్ణవి పెర్ఫార్మెన్స్ కుర్రాళ్ళకు పిచ్చపిచ్చగా నచ్చేసింది. టిక్ టాక్ వీడియోలు, ఇన్స్టా రీల్స్ , యూట్యూబ్లో షార్ట్ ఫిల్మ్స్ తో ఇన్నాళ్లు సోషల్ మీడియాలో అలరించిన ఈ బ్యూటీ ఒకే ఒక్క సినిమాతో తెలుగు రాష్ట్రాల్లో విపరీతమైన క్రేజ్ను సంపాదించుకుంది. సినీ ఇండస్ట్రీలోనూ మొదటి సినిమాతోనే హిట్ కొట్టి తన టాలెంట్ ఏమిటో ప్రూవ్ చేసుకుంది. నార్మల్ ఆడియన్స్ నుండి స్టార్స్ వరకు వైష్ణవి యాక్టింగ్కు ఫిదా అయ్యారు. ఆమెపై ప్రశంసల వర్షం కురిపిస్తున్నారు. నిజం చెప్పాలంటే బేబీ సినిమాను వైష్ణవి. తన భుజాలపై మోసింది. ఈ మూవీలో వైష్ణవి క్యారెక్టర్కు చాలా మంది కనెక్ట్ అయ్యారు.
అయితే తాజాగా వైష్ణవి టాలీవుడ్ ఎంట్రీ కి సంబంధించి ప్రస్తుతం ఓ వార్త సోషల్ మీడియాలో వైరల్ అవుతోంది. ఈ సినిమా కంటే ముందు ఇంటర్నేషనల్ అవార్డులను సొంతం చేసుకున్న బలగం సినిమాలో అమ్మడికి ఛాన్స్ వచ్చిందని టాక్ వినిపిస్తోంది. బలగం మూవీ మేకర్స్ అమ్మడిని అప్రోచ్ అయినా స్మూత్గా ఆ సినిమాను రిజెక్ట్ చేసిందట. సినిమా కథ బాగున్నప్పటికీ అందులో హీరోయిన్ పాత్రకు పెద్దగా స్కోప్ లేదని తెలుసుకుని నిరాకరించిందని సమాచారం. ఇండస్ట్రీలో అడుగుపెట్టే ప్రారంభంలో తనని తాను నిరూపించుకోవడానికి బలగం సినిమా కరక్ట్ కాదని ఫీల్ అయిందట. అందుకే ఈ సినిమాను చేసేందుకు అంగీకరించలేదట. దీంతో మేకర్స్ తరువాత ఆ పాత్ర కోసం కావ్య కళ్యాణ్ రామ్ను తీసుకున్నారు.
దీంతో వైష్ణవి తీసుకున్న నిర్ణయం సరైనదే అని కామెంట్స్ చేస్తున్నారు నెటిజన్స్. ఒకవేళ వైష్ణవి బలగం సినిమా చేసుంటే ఇంతలా క్రేజ్ వచ్చి ఉండేది కాదని అంటున్నారు. ఏదిఏమైనా బేబీ బ్లాక్ బస్టర్ హిట్తో వైష్ణవికి ఆఫర్లు వెల్లువలా వస్తున్నాయట. గీత ఆర్ట్స్ బ్యానర్ నుండి కూడా అదిరిపోయే భారీ ఆఫర్ వచ్చిందని ఇన్ఫర్మేషన్.
