బేబీ మూవీ ఓటీటీ డేట్ ఫిక్స్.. ఆ రోజు నుంచే స్ట్రీమింగ్..

ఇటీవల రిలీజై టాలీవుడ్ బాక్సాఫీస్ను షేక్ చేసిన మూవీ బేబీ. తమ కావాల్సిందీ స్టార్ క్యాస్ట్ కాదని.. స్టోరీలో కంటెంట్ ఉంటే చాలని ప్రేక్షకులు బేబీ సినిమాతో మరోసారి నిరూపించారు. ఆనంద్ దేవర కొండ, విరాజ్ అశ్విన్, వైష్ణవి చైతన్య నటించిన ఈ మూవీ జులై 14న థియేటర్స్లోకి వచ్చింది. ఫస్ట్ డే నుంచే ఈ సినిమాకు ఆడియన్స్ బ్రహ్మరధం పట్టారు. 14కోట్లతో తెరకెక్కిన ఈ మూవీ 80కోట్లు కలెక్ట్ చేసి ఔరా అనిపించింది.

ఈ సినిమా ఎప్పుడెప్పుడు ఓటీటీలోకి వస్తుందా అని ఎదురుచూస్తున్న ప్రేక్షకులకు మూవీ యూనిట్ గుడ్ న్యూస్ తెలిపింది. బేబీ సినిమా ఓటీటీ హక్కులను సొంతం చేసుకున్న ఆహా.. తాజాగా స్ట్రీమింగ్ తేదీని ప్రకటించింది. ఈ నెల 25 నుంచి ఈ మూవీ స్ట్రీమింగ్ చేస్తామని తెలిపింది. ఇక ఆహా గోల్డ్ సబ్ స్క్రైబర్స్ కు 12గంటల ముందుగానే ఈ సినిమా అందుబాటులో ఉంటుందని చెప్పింది. అంటే ఆగస్టు 24 సాయంత్రం 6 గంటల నుంచి వాళ్లకు ఈ సినిమా స్ట్రీమింగ్ కానుంది. దీంతో సినీ లవర్స్ ఖుషీ అవుతున్నారు.

అంతకుముందే ఈ సినిమాను ఓటీటీలో రిలీజ్ చేయాలనుకున్నారు. కానీ థియేటర్లో సూపర్ హిట్ అవ్వడంతో ఓటీటీ రిలీజ్ ఆలస్యమైంది. ఈ మధ్య వచ్చిన సినిమాల్లో ఈ రేంజ్ లాభాలు వచ్చిన సినిమా బేబీ నే కావడం విశేషం. కాగా ఓటీటీలో మరింత బోల్డ్గా బేబీ సినిమా రానుంది. థియేటర్స్లో సెన్సార్ కట్ చేసిన సీన్స్ను ఓటీటీలో విడుదల చేయనున్నారు.