బాయ్ ఫ్రెండ్తో కారులో అడ్డంగా దొరికేసిన అనన్య
విజయ్ దేవరకొండ లైగర్ సినిమాతో తెలుగు ప్రేక్షకులకు పరిచయం అయ్యింది బాలీవుడ్ బ్యూటీ అనన్య పాండే. ఈ సినిమా పెద్ద డిజాస్టర్ కావడంతో అమ్మడి ఆశలన్నీ ఆవిరైన విషయం తెలిసిందే. ప్రస్తుతం బాలీవుడ్ ఇండస్ట్రీలో పలు సినిమాల్లో నటిస్తోంది ఈ ముద్దుగుమ్మ. అయితే ఈ బ్యూటీ సినిమాలతో కన్నా తన అఫైర్లతోనే బాగా ఫేమస్ అయ్యిందని చెప్పవచ్చు. గత కొంత కాలంగా అనన్య బాలీవుడ్ యంగ్ హీరో ఆదిత్య రాయ్ కపూర్తో డేటింగ్ చేస్తోందని, వీరిద్దరి మధ్య రిలేషన్ ఉందని పుకార్లు ఇండస్ట్రీలో తెగ షికారు చేస్తున్నాయి. రీసెంట్గానే వీరిద్దరూ ఓ బ్రిడ్జిపైన ఒకరినొకరు హగ్ చేసుకున్న ఫోటో సోషల్ మీడియాలో ప్రత్యక్షమైంది. నెట్టింట్లో తెగ హల్ చల్ చేసింది. అయినప్పటికీ ఈ లవ్ బర్డ్స్ వారి రిలేషన్ గురించి ఎలాంటి క్లారిటీ ఇవ్వలేదు.
లేటెస్టుగా మరోసారి అనన్య, ఆదిత్యలు మీడియాకు అడ్డంగా దొరికేశారు. డిన్నర్ డేట్కు వెళ్లిన ఈ జోడి కారులో హాయిగా షికారు చేస్తూ కెమెరా కంటికి చిక్కారు. భారీ వర్షాన్ని సైతం లెక్కచేయకుండా ఈ జంట ప్రేమ పక్షులు హాయిగా ముంబై వీధుల్లో కారులో జామ్ జామ్ అంటూ షికారుకు వెళ్లారు. ప్రియుడు ఆదిత్య కూల్గా కార్ నడుపుతుండగా, అనన్య పక్కనే కూర్చుని ఉంది. ఈ సీన్ అంతా చూసిన మీడియా వారి కెమెరాలకు పని చెప్పింది. ఈ జంట ఫోటోలను కెమెరాల్లో బంధించింది. ఫోటోగ్రాఫర్లు ఫోటోలు తీసేందుకు ప్రయత్నించగా అనన్య తన ముఖాన్ని దాచేందుకు ట్రై చేసింది. ఇక ఆదిత్య మాత్రం కూల్గా స్మైల్ ఇచ్చాడు. ప్రస్తుతం ఈ లవ్ బర్డ్స్ కారులో తిరుగుతున్న ఫొటోలు నెట్టింట్లో చక్కర్లు కొడుతున్నాయి.
