అడ్వాన్స్ బుకింగ్ లో రికార్డ్స్ సెట్ చేస్తున్న బ్రో

మామా అల్లుళ్ళ కాంబినేషన్ లో వస్తున్న సినిమా బ్రో. నిన్న ప్రీరిలీజ్ ఈ వెంట్ చేసుకున్న ఈ మూవీ మరో రెండు రోజుల్లో విడుదల అవబోతోంది. అందుకే ఈ సినిమా టికెట్ల అడ్వాన్స్ బుకింగ్ అప్పుడే మొదలైపోయింది. విచిత్రం ఏంటంటే బుకింగ్ మొదలైన గంటలోనే అనని టికెట్లూ అమ్మడయిపోయాయి. ఏకంగా పదివేలకు పైగా టికెట్లు బుక్ అయ్యాయి.

పవన్ కల్యాణ్, సాయి ధరమ్ తేజ్ కలిసి నటించిన సినిమా బ్రో. ఈ సినిమాకు మొదటి నుంచే మంచి క్రేజ్ ఉంది. పైగా చాలా రోజుల తర్వాత పవన్ సినిమా విడుదల అవుతోంది. దానికి ఈ సినిమాకు ఎలాంటి ప్రీమియర్ షోలు,బెనిఫిట్ షోలు ఉండవని నిర్మాతలు ప్రకటించారు. దాంతో రికార్డ్ స్థాయిలో టికెట్స్ అమ్ముడయ్యాయి. బుకింగ్ ఓపెన్ చేసిన గంటలోనే దాదాపుగా అన్ని టికెట్లు అయిపోయాయి అంటే అదొక రికార్డ్ అంటున్నారు సినీ పండితులు. తెలుగు సినిమాలకు బ్రో ట్రెండ్ సెట్ చేస్తోందని అంటున్నారు.

బ్రో ది అవతార్ సినిమాను సముద్రఖని డైరెక్ట్ చేశారు. తమిళ మూవీ వినోదయ సీతంకు ఇది రీమేక్. ఒరిజినల్ సినిమాకు త్రివిక్రమ్ కొన్ని మార్పులు చేసిన తర్వాత తెరకెక్కింది. పీపుల్ మీడియా ఫ్యాక్టరీ ప్రొడక్షన్స్ తో టీజీ విశ్వప్రసాద్, వివేక్ కూచిభొట్ల సినిమా నిర్మించారు. బ్రో మూవీలో కేతిక శర్మ, ప్రియా వారియర్ హీరోయిన్లుగా నటించారు. ఇప్పటికే విడుదల అయిన పాటలు, శ్లోకం థీమ్ ప్రేక్షకులను బాగా ఆకట్టుకుంటున్నాయి.