గెట్ రెడీ.. సూర్య భాయ్ వస్తున్నాడు
ప్రస్తుతం టాలీవుడ్‌లో రీ రిలీజ్‌ల ట్రెండ్ నడుస్తోంది. సంద‌ర్భాన్ని బ‌ట్టి స్టార్ హీరోల పాత చిత్రాల‌ను రీ రిలీజ్ లు చేస్తున్నారు. ఇప్ప‌టికే ప‌లువురు స్టార్ హీరోల చిత్రాలు ఇలా విడుద‌లై మంచి వ‌సూళ్ల‌ను రాబ‌ట్టాయి. ఇక ఈ ట్రెండ్‌ను మొద‌లుపెట్టిన మ‌హేశ్ బాబు ఇప్పుడు మ‌రోసారి రీరిలీజ్‌కు సిద్దం అవుతున్నారు. ‘పోకిరి’ వంటి బ్లాక్ బ‌స్ట‌ర్ సినిమా త‌రువాత మ‌హేశ్ బాబు, పూరీ జ‌గ‌న్నాథ్ కాంబినేష‌న్‌లో తెర‌కెక్కిన చిత్రం ‘బిజినెస్‌మేన్‌'. ఈ సినిమాలో కాజ‌ల్ అగ‌ర్వాల్ హీరోయిన్‌గా న‌టించింది. ఆర్ఆర్ఆర్ మూవీ మేక‌ర్స్ బ్యాన‌ర్‌పై ఆర్ఆర్ వెంక‌ట్ నిర్మించారు. 2012 జ‌న‌వ‌రి 13న ప్రేక్ష‌కుల ముందుకు వ‌చ్చిన ఈ చిత్రం ఘ‌న విజ‌యాన్ని అందుకుంది. నెగిటివ్ రోల్ లాంటి డిఫ‌రెంట్ పాత్ర‌లో మ‌హేశ్ న‌ట‌న అదుర్స్ అనిపించేలా ఉండ‌డంతో ప్రేక్ష‌కులు ఈ చిత్రానికి బ్ర‌హ్మ‌ర‌థం ప‌ట్టారు.
The countdown is on for the
— Mahesh Babu Space (@SSMBSpace) July 1, 2023
‘𝗕𝗶𝗴𝗴𝗲𝘀𝘁 𝗕𝗶𝗿𝘁𝗵𝗱𝗮𝘆 𝗕𝗹𝗮𝘀𝘁 𝗼𝗳 𝘁𝗵𝗲 𝗬𝗲𝗮𝗿’ ! 🔥🤩
Superstar @UrstrulyMahesh's #BusinessMan is set to conquer the screens once again 🤙🏾🤙🏾🤙🏾
This August 💥💥💥#Businessman4K ⏳❤️🔥 pic.twitter.com/q6Cuw7ib2X
ఈ చిత్రం వచ్చి ప‌దేళ్లు దాటినా క్రేజ్ ఏ మాత్రం త‌గ్గ‌లేదు. . హీరో క్యారెక్టరైజేషన్ పీక్ స్టేజ్ లో ఉంటే ఎలా ఉంటుందో బిజినెస్ మాన్ సినిమా నిరూపించింది. సూర్య భాయ్ అనే గ్యాంగ్ స్టర్ గా మహేష్ ఇచ్చిన ఇంటెన్స్ పెర్ఫార్మెన్స్ కి బాక్సాఫీస్ షేక్ అయ్యింది. ఈ మూవీలోని ప్రతి డైలాగ్ కి ఫాన్స్ ఉన్నారు, హార్డ్ రియాలిటీని డైలాగ్స్ లో పూరి సూపర్బ్ గా చెప్పాడు. సినిమాలోని డైలాగ్‌లు మీమ్స్ రూపంలో ఇప్ప‌టికీ క‌నిపిస్తూనే ఉంటాయి. ఈ సినిమా రీ రిలీజ్‌కు రెడీ అవుతోంది. ఆగస్టు 9న మహేష్ బాబు బర్త్ డే కావడంతో ఆరోజు బిజినెస్ మాన్ సినిమా రీరిలీజ్ చెయ్యనున్నారు. దీంతో అభిమానులు సూర్య భాయ్ మ‌ళ్లీ వస్తున్నాడు అంటూ ఆనందం వ్య‌క్తం చేస్తున్నారు.
