Carl Weathers : సినీపరిశ్రమలో విషాదం.. స్టార్ నటుడు మృతి
(Carl Weathers) హాలీవుడ్ సినీ పరిశ్రమలో విషాదం చోటుచేసుకుంది. స్టార్ నటుడు కార్ల్ వెదర్స్ మృతిచెందారు. రాకీ, ప్రిడేటర్, ది మాండలోరియన్ వంటి సినిమాల్లో నటించిన ఆయనకు భారత్‌లో అభిమానులు ఉన్నారు. 76 ఏళ్ల కార్ల్ వెదర్స్ క్రీడాకారుడు కూడా. ఆయన మరణించినట్లు అతని మేనేజర్ మాట్ లుబెర్ వెల్లడించారు. అయితే ఆయన మృతికి గల కారణాలు మాత్రం ఇంత వరకూ తెలుపలేదు.
కార్ల్ వెదర్స్ చలనచిత్రం, టెలివిజన్ రంగాల్లోనే కాకుండా క్రీడా ప్రపంచంలో కూడా చాలా ఫేమస్ అయ్యారు. ఆయన నటించిన రాకీ మూవీ ఆస్కార్ అవార్డును సొంతం చేసుకుంది. హాలీవుడ్‌లో ఆ మూవీ మూడు భాగాలుగా విడుదలైంది. ఆ మూడింటిలోనూ కార్ల్ వెదర్స్ అద్భుతంగా నటించారు. కార్ల్ వెదర్స్ మరణవార్త తెలిసిన సినీ ప్రముఖులు, ఆయన అభిమానులు సంతాపం తెలుపుతున్నారు. కార్ల్ వెదర్స్ ఆత్మకు శాంతి చేకూరాలని ప్రార్థిస్తున్నారు.
రాకీ మూవీ కార్ల్ వెదర్స్‌కు మంచి పేరు తీసుకొచ్చింది. ఆ సినిమా తర్వాత ఆయన పేరు హాలీవుడ్‌లో బాగా వినిపించింది. రాకీతో పాటుగా స్టార్ వార్స్, స్వినోఫ్, ది మాండలోరియన్ వంటి చిత్రాలను ప్రేక్షకులను ఎంతగానో ఆకట్టుకున్నాయి. అదేవిధంగా 1987లో వచ్చిన సైన్స్ ఫిక్షన్ హర్రర్ చిత్రం 'ప్రిడేటర్'లో కూడా కార్ల్ వెదర్స్ నటించారు. 50 ఏళ్ల స్క్రీన్ కెరీర్‌లో కార్ల్ వెదర్స్ 75కు పైగా సినిమాలు చేశారు. పలు టీవీ షోలలో కనిపించారు. ఆయన మరణవార్తతో హాలీవుడ్ సినీ పరిశ్రమలో విషాదం నెలకొంది.
