కల్కీ2898AD సినిమాకు.. చాగంటి కోటేశ్వరరావు ప్రవచనం

‘పురాణాలను పూసగుచ్చినట్లు వివరించాలన్నా.. దేవుళ్లు, రాజులకు ఎలివేషన్స్ ఇవ్వాలన్నా చాగంటి కోటేశ్వరరావు తర్వాతే ఎవరైనా’ అంటుంటారు చాలామంది. ఆయన ప్రవచనాల్లో.. ఎలివేషన్స్ అలా ఉంటాయి మరి. దైవావతారం గురించి ఆయన వివరిస్తుంటే.. కళ్లకు కట్టినట్లు కనిపిస్తుంది. ఈ క్రమంలోనే ఓసారి శ్రీ మహావిష్ణు కల్కీ అవతారం గురించి ప్రవచనాల్లో బోధించారు చాగంటి. ఆయన పుట్టుక, దాని తాత్పర్యాన్ని తెలియజేశారు. ప్రస్తుతం ఆ ఆడియో క్లిప్ ఇప్పుడు వైరల్ అవుతోంది.

ప్రభాస్ నటిస్తున్న కల్కి2898AD సినిమా కల్కీ అవతారం అని.. గ్లింప్స్ చూస్తే అర్థం అవుతోంది. కలియుగంలో రాక్షసుల భారి నుంచి ప్రజలను కాపాడటానికి కల్కి వస్తాడు. అదే క్యారెక్టర్ ను ప్రభాస్ సినిమాలో పోషిస్తున్నాడు. ఈ నేపథ్యంలోనే తాజాగా రిలీజ్ అయిన కల్కి2898AD సినిమా గ్లింప్స్ ను ఓ నెటిజన్ ఎడిట్ చేశాడు. దానికి చాగంటి ప్రవచనం ఆడియోను జోడించి.. సోషల్ మీడియాలో రిలీజ్ చేశాడు. అంతేకాకుండా మరిన్ని వీడియో క్లిప్స్ యాడ్ చేశాడు. ఈ వీడియో చూసిన నెటిజన్స్ ‘గూస్ బంప్స్ తెప్పిస్తోంది’ అంటూ కామెంట్ చేస్తున్నారు.