Chari 111 : ఒక గూఢచారి, ఒక జేమ్స్బాండ్ కలిపితే ‘చారి 111’.. హిలేరియస్గా వెన్నెల కిషోర్ సినిమా
టాలీవుడ్ లో ప్రస్తుతం ఉన్న స్టార్ కమెడియన్ లో ఒకడు వెన్నెల కిషోర్. తన కామెడీ టైమింగ్ తో ప్రేక్షకులను కడుపుబ్బా నవ్వించే వెన్నెల కిషోర్.. ఇప్పుడు హీరో అవతారమెత్తాడు. అది కూడా ఆశామాషీ సినిమా కాదు. ఓ గూఢచారి, జేమ్స్ బాండ్ లాంటి స్పై జానర్ ఫిల్మ్ అది. అయితే యాక్షన్ లాంటివి ఈ సినిమాలో ఉన్నా.. వెన్నెల కిషోర్ కామెడీని మాత్రం ఏం మిస్ కారని చిత్ర బృదం చెప్తుంది. డైరెక్టర్ టీబీ కీర్తికుమార్ తెరకెక్కిస్తున్న ఈ సినిమాకు చారి 111 అని పేరు పెట్టారు. తమిళ ముద్దుగుమ్మ సంయుక్త విశ్శనాథన్ ఇందులో హీరోయిన్. మార్చి 1న విడుదల కానున్న ఈ సినిమా ప్రమోషన్స్ ఇప్పటికే మొదలుపెట్టారు. కాగా ఈ సందర్భంగా ట్రైలర్ ను మేకర్స్ తాజాగా రిలీజ్ చేశారు.
1992లో ఇండియా- పాకిస్థాన్ క‌లిసి ఓ జాయింట్ అగ్రిమెంట్ చేసుకున్నారు. ఇక‌పై రెండు దేశాల్లో ఎలాంటి అణువాయుధాలు గానీ బయోలాజికల్ ఆయుధాలు గీనీ త‌యారు చేయొద్దనే సంభాషణతో ట్రైలర్ మొద‌ల‌వుతుంది. టెర్రరిస్టులకు సంబంధించిన ఓ సీక్రెట్ గ్రూప్ కోవర్ట్ ఏజెన్సీ స్టార్ట్ చేయాలని చూస్తుంది. ఆ గ్రూప్ స్టార్ట్ అయితే దేశానికి ప్రమాదం. దీన్ని కనిపెట్టే సీక్రెట్ స్పైగా ఏజెంట్ వెన్నెల కిషోర్ రంగంలోకి దిగుతాడు. సీనియర్ నటుడు మురళి శర్మ ఈ సినిమాలో స్పై ఏజెన్సీ హెడ్గా కనిపించనున్నారు. ట్రైలర్ మొత్తం ఫ‌న్ ఎంట‌ర్‌టైన‌ర్‌గా సాగింది. ఈ సినిమాను బర్కత్‌ స్టూడియెస్‌ బ్యానర్‌పై అదితి సోని నిర్మిస్తుంది. ఇప్పటికే వచ్చిన ట్రైలర్ ప్రేక్షకులను విశేషంగా ఆకట్టుకుంది.
