‘భోళా శంకర్‌’ వీడియో లీక్.. ఫ్యాన్స్‌తో షేర్ చేసిన చిరు
సోషల్ మీడియాలో యాక్టివ్ గా ఉండే చిరంజీవి.. అప్పుడప్పుడు తన సినిమాలకు సంబంధించి కొన్ని లీక్స్ చేస్తాడన్న విషయం తెలిసిందే. చిరు లీక్స్ పేరిట ఇప్పటివరకు పలు షూటింగ్ స్టిల్స్ ఫ్యాన్స్ కోసం వదులుతుంటాడు. అయితే, ఈసారి ఏకంగా ఓ వీడియోను లీక్ చేసి అందరినీ ఆశ్చర్యపరిచాడు. మెహర్ రమేశ్ డైరెక్షన్ లో చిరంజీవి కథానాయకుడిగా.. తమన్నా, కీర్తి సురేష్ కీలక పాత్ర పోషిస్తున్న సినిమా భోళా శంకర్‌. ఈ సినిమా చిత్రీకరణ శరవేగంగా పూర్తవుతోంది. ఈ సినిమాకు సంబంధించిన ఆసక్తికర విషయాన్ని చిరు ట్విట్టర్ ద్వారా పంచుకున్నాడు. ఈ మేరకు ఓ ఆడియో ఫైల్ ను ట్వీట్ చేశారు.
సినిమాలో సంగీత్ జరుగుతుండగా వచ్చే సాంగ్ అది. ఆ సాంగ్ షూటింగ్ ఫుటేజ్ ను చిరు షేర్ చేశాడు. ఆ వీడియోలో సినిమాలో ఉన్న ఆర్టిస్టులంతా ఉన్నారు. వాళ్ల కాస్ట్యూమ్స్, సాంగ్ సెట్ అంతా ఈ వీడియోలో కవర్ చేశాడు చిరంజీవి. ‘నేను.. నాతోపాటు ఉన్నవాళ్లంతా హుషారుగా ఉన్నారు. మేమే కాకుండా నా ఫ్యాన్స్ కూడా ఆ హుషారును ఎంజాయ్ చేయాలని ఈ లీక్ చేస్తున్నా’అని చిరంజీవి తెలిపాడు. అన్నా చెల్లి కథాంశంతో తెరకెక్కుతోన్న ఈ సినిమా.. ఆగస్టు 11న ప్రేక్షకుల ముందుకు రానుంది.
