RGV : ఆ హీరోయిన్ ఫోటో చూసి వెక్కివెక్కి ఏడ్చిన వర్మ..పోస్ట్ వైరల్
విలక్షణ దర్శకుడు రామ్ గోపాల్ వర్మ గురించి అందరికీ తెలిసిందే. ఆయన ఏ పని చేసినా ప్రత్యేకంగా ఉంటుందని చెప్పడంలో సందేహం లేదు. తన సినిమాలతో అప్పట్లో సంచలనం రేకెత్తించిన వర్మ ఇప్పుడు వివాదాస్పద సినిమాలు తీస్తూ బిజీగా ఉన్నాడు. అయితే ఆయన ఓ హీరోయిన్ ఫోటో చూసి తెగా ఏడ్చానని చెప్పుకొచ్చాడు. సోషల్ మీడియాలో ఆ ఫోటోను పోస్ట్ చేస్తూ కన్నీళ్లు పెట్టుకున్నానని చెప్పాడు. ఆ ఫోటోలో ఉన్నది మరెవరో కాదు..ఆర్జీవీ ఎంతగానో ప్రేమించిన అలనాటి హీరోయిన్ శ్రీదేవిది.
టాలీవుడ్ హీరో అక్కినేని నాగార్జునతో ఆర్జీవీ శివ సినిమా తెరకెక్కించి సంచలనం సృష్టించాడు. ఆ మూవీ బాక్సాఫీస్ వద్ద భారీ హిట్‌గా నిలిచింది. ఇప్పటికి కూడా ఆ సినిమా అంటే చాలా మంది ఇష్టం. ఆ మూవీ తర్వాత క్షణ క్షణం, సర్కార్, మనీ వంటి సినిమాలు తీసిన ఆర్జీవీ విపరీతమైన క్రేజ్ సొంతం చేసుకున్నాడు. ఇక అక్కడితో ఆగకుండా బాలీవుడ్ వెళ్లి అక్కడ కూడా తన సత్తా చాటాడు. ప్రస్తుతం వివాదాస్పద సినిమాలు తీస్తూ వర్మ బిజీ బిజీగా గడుపుతున్నాడు.
ఆ మధ్య బోల్డ్ సినిమాలు తీసిన ఆర్జీవీ ఇప్పుడు పొలిటికల్ జోనర్ మూవీస్ చేస్తూ తరచూ వార్తల్లో నిలుస్తున్నారు. అందుకే వర్మ సోషల్ మీడియాలో ఏ పోస్ట్ పెట్టినా సంచలనంగా మారుతుంటుంది. తాజాగా రామ్ గోపాల్ వర్మ తన అభిమాన హీరోయిన్, దివంగత నటి శ్రీదేవి పోటోను షేర్ చేస్తూ ఓ విషయం చెప్పాడు. శ్రీదేవి ఫోటో చూసి తాను వెక్కి వెక్కి ఏడ్చానని అన్నారు. ఆర్టిఫిషియల్ ఇంటెలిజెన్స్ ద్వారా శ్రీదేవి ఫోటోను ఫ్యాన్స్ ఎడిట్ చేయగా ఆ ఫోటోను చూసిన ఆర్జీవీ కన్నీళ్లు పెట్టుకున్నానని రాసుకొచ్చారు. ప్రస్తుతం నెట్టింట ఆర్జీవీ పోస్ట్ తెగ వైరల్ అవుతోంది.
This INTELLIGENTLY made ARTIFICIAL Sreedevi made me CRY 😔 pic.twitter.com/5ncBsSPwFh
— Ram Gopal Varma (@RGVzoomin) January 23, 2024
