అడవి శేష్కు భలే టైటిల్ కుదిరిందే

హిట్ మెషీన్ లా దూసుకుపోతోన్న హీరో అడవి శేష్. స్వయంకృషితో తనకంటూ ఓ రేంజ్ ను క్రియేట్ చేసుకున్నాడు శేష్. దర్శకుడుగా, రచయితగా, నటుడుగా, హీరోగా తిరుగులేకుండా రాణిస్తున్నాడు. శేష్ సినిమా అంటే హిట్ గ్యారెంటీ ఆడియన్స్ తో పాటు ఇండస్ట్రీ కూడా ఫిక్స్ అయింది. మేజర్ తో ప్యాన్ ఇండియన్ ఆడియన్స్ ను కూడా ఆకట్టుకున్నాడు. లేటెస్ట్ గా అతను మరో సినిమాతో రాబోతున్నాడు. శ్రుతి హాసన్ హీరోయిన్ గా నటిస్తోన్న ఈ మూవీకి సంబంధించి ‘శేష్ ఎక్స్ శృతి’అనే వర్కింగ్ టైటిల్ నిన్నటి వరకూ పెట్టారు. తాజాగా ఈ మూవీ టైటిల్ అనౌన్స్ చేశారు.

ఇప్పటి వరకూ వచ్చిన శేష్ సినిమాల ఇమేజ్ కు భిన్నంగా ఈ మూవీకి ‘డెకాయిట్’ అనే టైటిల్ ఫిక్స్ చేశారు. నిజంగా ఈ టైటిల్ బావుంది. డెకాయిట్ అంటే చాలా వరకూ నెగెటివ్ గానే పోట్రే అవుతుంది. శేష్ సినిమా అంటే మాగ్జిమం పేట్రియాటిక్ గా ఉంటాయి అనుకుంటోన్న టైమ్ లో ఈ టైటిల్ బలే అనిపిస్తోందంటున్నారు చాలామంది. దీంతో పాటు ఒక వీడియో కూడా విడుదల చేశారు. నిన్నటి వరకూ ప్రచారం చేసినట్టుగానే ఇది శేష్ వర్సెస్ శ్రతి హాసన్ లానే ఉంది. ఈ ఇద్దరి మధ్యే యుద్ధం కనిపిస్తోందీ వీడియోలో. శ్రుతి హాసన్ చీరకట్టులో గన్ పట్టుకుని .. శేష్ ను వెదుకుతూ.. తనను మోసం చేశావని చెబుతుంది. దానికి శేష్ కూడా ఇప్పుడు నేను నీకు ఏమవుతాను.. అసలు నేనెవరు అంటూనే తనూ ఓ గన్ తీసుకుంటాడు. ఇద్దరూ కాల్చుకుంటున్నట్టుగా ఈ వీడియో ఎండ్ అయిపోతుంది. కాకపోతే ఆ వీడియో మొత్తం ఒక పెద్ద యుద్ధ వాతావరణాన్ని తలపిస్తోంది. ఆ యుద్ధం ఈ ఇద్దరి మధ్యే జరిగింది అన్నట్టుగా ఉంది. ఏమైనా డెకాయిట్ అనే టైటిల్ ఆకట్టుకునేలా ఉంది. అందుకు తగ్గట్టుగా శేష్ క్యారెక్టరైజేషన్ కొత్తగా కనిపిస్తోంది. చూస్తోంటే మాజీ ప్రేమికులే శతృవులు అయ్యారు అనుకోవచ్చు.

ఇక షనీల్ డియో డైరెక్ట్ చేస్తోన్న ఈ చిత్రాన్ని సుప్రియ యార్లగడ్డ నిర్మిస్తోంది. రచనలో దర్శకుడితో పాటు శేష్ కూడా ఉన్నాడు. భీమ్స్ సిసిరోలియో సంగీతం చేస్తున్నాడు.