Deepika Padukone : తల్లికాబోతున్న స్టార్ హీరోయిన్.. ఇన్‌స్టా పోస్ట్ వైరల్
బాలీవుడ్ స్టార్ హీరోయిన్ దీపికా పదుకొనే శుభవార్త చెప్పారు. తాను తల్లికాబోతున్న విషయాన్ని సోషల్ మీడియా ద్వారా వెల్లడించారు. గత కొన్ని రోజులుగా దీపికా గర్భవతి అయ్యిందంటూ సోషల్ మీడియాలో వార్తలు వైరల్ అవుతున్నాయి. ఈ నేపథ్యంలో ఆ విషయంపై ఆమె ఎట్టకేలకు క్లారిటీ ఇచ్చారు. తమ ఫస్ట్ చైల్డ్‌కి సంబంధించి రణ్‌వీర్ సింగ్, దీపికా తమ సోషల్ మీడియాలో అకౌంట్లలో పోస్టులు పెట్టారు.
చిన్నారి దుస్తులు, వస్తువులతో డిజైన్ చేసిన ఓ పోస్ట్ ద్వారా దీపికా తన ప్రెగ్నెన్సీ గురించి తెలిపారు. తనకు పుట్టబోయే బిడ్డ ఏ నెలలో జన్మిస్తుందనే విషయాన్ని కూడా తన పోస్ట్‌లో వెల్లడించారు. 2024 సెప్టెంబర్ నెలలో తమ బిడ్డ ఈ ప్రపంచంలోకి వస్తున్నట్లుగా తెలిపారు. ప్రస్తుతం దీపికా పోస్ట్ సోషల్ మీడియాలో వైరల్ అవుతోంది. బాలీవుడ్ తారలు దీపికా పదుకొనే, రణ్‌వీర్ సింగ్ ప్రేమించి పెళ్లి చేసుకున్నారు.
2018లో దీపికా, రణ్‌వీర్ సింగ్‌ల పెళ్లి వేడుగా జరిగింది. పెళ్లైన ఆరేళ్లకి ఈ జంట తల్లిదండ్రులు కాబోతుండటంతో అభిమానులు, సినీ సెలబ్రిటీలు వారికి శుభాకాంక్షలు చెబుతున్నారు. ఇకపోతే ఈ మధ్యనే దీపికా పదుకొనే పఠాన్, జవాన్ వంటి సినిమాలతో బ్యాక్ టూ బ్యాక్ హిట్స్ అందుకుంది. ప్రభాస్ సరసన ప్రస్తుతం 'కల్కి2898ఏడీ' సినిమా చేస్తోంది. టాలీవుడ్ డైరెక్టర్ నాగ్ అశ్విన్ తెరకెక్కిస్తున్న ఈ మూవీ మే 9వ తేదిన విడుదల కానుంది.
