దేవర గ్లింప్స్ లోని డైలాగ్స్ ఇవే..

యంగ్ టైగర్ ఎన్టీఆర్ - కొరటాల శివ కాంబినేషన్ లో రూపొందుతోన్న సినిమా దేవర. ఎన్టీఆర్.. ఆర్ఆర్ఆర్ తర్వాత చేస్తోన్న సినిమా కాబట్టి దేవరపై భారీ అంచనాలున్నాయి.ఆ అంచనాలను అందుకునేందుకు దేవర టీమ్ చాలా హార్డ్ వర్క్ చేస్తోంది. మొదట ఒకే పార్ట్ అనుకున్నారు. కానీ తర్వాత రెండు భాగాలుగా చేస్తున్నాం అని ప్రకటించాడు దర్శకుడు కొరటాల శివ. బాలీవుడ్ బ్యూటీ.. శ్రీదేవి కూతురు జాన్వీ కపూర్ ఈ మూవీతో సౌత్ ఇండస్ట్రీకి ఇంటర్ డ్యూస్ అవుతోంది. ఎన్టీఆర్, జాన్వీల పెయిర్ కు కూడా భారీ క్రేజ్ వచ్చింది. బాలీవుడ్ స్టార్ సైఫ్ అలీఖాన్ విలన్ గా నటిస్తున్నాడు. ఇక మరికొన్ని గంటల్లోనే దేవర గ్లింప్స్ రాబోతోంది. 83 సెకన్ల పాటు ఉండే ఈ గ్లింప్స్ కోసం దేశవ్యాప్తంగా ఉన్న ప్రేక్షకులు ఈగర్ గా ఎదురుచూస్తున్నారు.

దేవరతో పాటు ఈ గ్లింప్స్ కు అనిరుద్ రవిచందర్ ఎలాంటి ఆర్ఆర్ ఇచ్చాడు అనే ఆసక్తి కూడా అందర్లోనూ ఉంది. అందుకు తగ్గట్టుగానే టీజర్ లో ఒక ర్యాప్ సాంగ్ ఉంటుందట. ముందుగా వీటిని డైలాగ్స్ అనుకున్నారు. కానీ ఇంగ్లీష్ లో సాగే ర్యాప్ అని టాక్. ఆ ర్యాప్ లోని డైలాగ్స్ ఇవే.

You never touch the sea..

You never play with me..

I’ll never show you mercy..

I’ll never let you be!

తెలుగులో చూస్తే నువ్వెప్పటికీ సముద్రాన్ని తాకలేవు

నువ్వెప్పటికీ నాతోత ఆడలేవు

నేను నిన్నెప్పటికీ కరుణించను..

నేను ఎప్పటికీ వదిలిపెట్టను ..

ఇవీ ఆ లైన్స్.. ప్యాన్ ఇండియన్ సినిమా కాబట్టి భాషకో పదం కాకుండా సింపుల్ గా ఇంగ్లీష్ లో కొట్టేస్తే అయిపోతుందనుకున్నారేమో. ఈ ర్యాప్ సాంగ్ తో ర్యాంప్ ఆడించేందుకు రాబోతున్నాడు దేవర.