డీజే టిల్లు 2 రిలీజ్ డేట్ వచ్చేసింది..
తక్కువ బడ్జెట్‌తో వచ్చి భారీ విజయాన్ని అందుకున్న సినిమా `డీజే టిల్లు`. ఈ మూవీలో హీరో సిద్దు జొన్నలగడ్డ తన పెర్ఫార్మెన్స్తో ఓ రేంజ్ లో జనాలకు పిచ్చెక్కించేశాడు. తెలంగాణ స్లాంగ్లో స్క్రీన్ మీద చేసిన రచ్చ అంతా ఇంతా కాదు. వెండితెరపై నాన్‌ స్టాప్‌ నవ్వులు పూయించి అందరినీ ఆకట్టుకుంటున్నాడు. ఈ మూవీలోని `టిల్లు` పాత్ర అందరికీ బాగా కనెక్ట్ అయ్యింది. టిల్లు స్టయిల్‌, డైలాగ్స్ చాలా ఫేమస్ అయ్యాయి. డీజే టిల్లుకు వచ్చిన రెస్పాన్స్ చూసిన మేకర్స్ ఇప్పుడు ఆ ఫన్‌ని మరింత రెట్టింపు చేసేందుకు టిల్లు స్క్వేర్ అనే సీక్వెల్తో రెడీ అయ్యారు. సీక్వెల్ అనౌన్స్ చేసినప్పటి నుంచి `టిల్లు స్వ్కేర్‌` ను బిగ్ స్క్రీన్ లో ఎప్పుడెప్పుడు చూడాలా అని సిద్ధు ఫ్యాన్స్ ఎంతో ఆసక్తిగా ఎదురుచూస్తున్నారు. ఈ క్రమంలో తాజాగా ఈ మూవీకి సంబంధించి ఓ న్యూస్ నెట్టింట్లో చక్కర్లు కొడుతోంది. డీజే టిల్లు 2 అక్టోబర్లో విడుదల అవుతుందనే టాక్ బాగా వనిపిస్తోంది.
డీజే టిల్లు పేరు.. వీని స్టయిలే వేరు..’ అంటూ యూత్‌తో పాటు ఫ్యామిలీస్‌ని బాగా ఆకట్టుకున్న సిద్ధు ఇప్పుడు టిల్లు స్క్వేర్ తో మరోసారి స్క్రీన్ మీద మ్యాజిక్ చేసేందుకు రెడీ అయ్యాడు. ఇప్పుడు ఈ చిత్రం సీక్వెల్ను నాగవంశీ, సాయి సౌజన్య నిర్మిస్తున్నారు. మల్లిక్‌ రామ్‌ డైరెక్షన్ లో వస్తున్న ఈ చిత్రంలో సిద్ది మెయిన్ రోల్ పోషిస్తుండగా అనుపమా పరమేశ్వరన్‌ హీరోయిన్ గా కనిపించనుంది. ఈ మధ్యనే విడుదలైన సినిమా పోస్టర్లు సినిమాపై భారీ అంచనాలను పెంచేశాయి. ఈసారి రెట్టింపు వినోదం గ్యారంటీ అంటూ.. మేకర్స్ హామీ కూడా ఇస్తున్నారు. ప్రేక్షకుల వెయిటింగ్కు తెర దించేందుకు అక్టోబర్ 6న సినిమాను విడుదల చేయాలని చిత్ర యూనిట్ భావిస్తుందట. అందుకు సంబంధించిన సన్నాహాలు చేస్తోందని ఇండస్ట్రీలో టాక్ వినిపిస్తోంది. అయితే రిలీజ్ డేట్కు సంబంధించి చిత్ర బృందం నుంచి ఇప్పటి వరకు ఎలాంటి అప్డేట్ రాలేదు.
