Samantha : 22 నెలల తర్వాత సినిమా వర్క్ స్టార్ట్..సమంత పోస్ట్ వైరల్
కొన్నాళ్లుగా సమంత సినిమాలు చేయడం లేదు. సినిమాలకు గ్యాప్ ఇచ్చి హెల్త్‌పై ఫోకస్ పెట్టింది. అలాగే బిజినెస్‌లపై కూడా ఫోకస్ చేస్తోంది. అందుకే సినిమాలకు దూరంగా ఉంటున్నానని సామ్ చెప్పుకొచ్చింది. సమంత చివరగా ఖుషీ సినిమా చేసింది. విజయదేవరకొండతో చేసిన ఆ సినిమా మంచి విజయాన్ని సొంతం చేసుకుంది. ఆ సినిమా తర్వాత సామ్ సినిమాలేవీ థియేటర్లోకి రాలేదు. ఆ గ్యాప్‌లో సమంత ఓ సినీ నిర్మాణ సంస్థను కూడా ప్రారంభించింది.
ప్రస్తుతం సమంత చేతిలో ఏ సినిమాలు లేవు. దీంతో విదేశీ టూర్లలో సామ్ బిజీగా ఉంటోంది. ఇకపోతే తాజాగా సమంత సోషల్ మీడియాలో ఓ పోస్ట్ చేసింది. గతంలో రాజ్ అండ్ డీకే డైరెక్షన్‌లో సమంత సిటాడెల్ అనే సిరీస్ చేసింది. హాలీవుడ్‌లో ప్రియాంక చోప్రా చేసిన పాత్రను ఇండియన్ వెర్షన్‌లో సమంత చేసింది. ఆ ప్రాజెక్ట్ మొదలుపెట్టి 2 ఏళ్లు అవుతోంది. షూటింగ్ అయిపోయినా సమంత ఆరోగ్య సమస్యల వల్ల ఆ సిరీస్ ఆగిపోయింది.
తాజాగా సిటాడెల్ సిరీస్ డబ్బింగ్ వర్క్ మొదలెట్టినట్లు సమంత తెలిపింది. డబ్బింగ్ చెబుతున్న ఫోటోను తన ఇన్‌స్టా అకౌంట్‌లో షేర్ చేసింది. 22 నెలల తర్వాత ఆ ప్రాజెక్ట్ రెడీ అయ్యిందని సమంత చెప్పుకొచ్చింది. ఈ సిరీస్ యాక్షన్, రొమాంటిక్‌గా ఉంటుందని తెలిపింది. ప్రస్తుతం సమంత షేర్ చేసిన ఫోటోలు సోషల్ మీడియాలో వైరల్ అవుతున్నాయి. దీంతో సమంత ఫ్యాన్స్ ఆనందం వ్యక్తం చేస్తూ కామెంట్స్ చేస్తున్నారు.
