సోలో లైఫే సో బెటర్ అంటున్న శర్వానంద్..‘మనమే’ సాంగ్ ఎలా ఉంది?
కొంత గ్యాప్ తర్వాత మనమే అంటూ ఆడియన్స్ ముందుకు వచ్చేస్తున్నాడు హీరో శర్వానంద్. తన 35వ సినిమాను డైరెక్టర్ శ్రీరామ్ ఆదిత్య తెరకెక్కిస్తున్నారు. శర్వా సరసన ఇందులో కృతిశెట్టి నటిస్తోంది. ఈ మధ్యనే ఈ మూవీ టైటిల్‌ గ్లింప్స్‌ను రిలీజ్ చేయగా ఆడియన్స్‌ను బాగా ఆకట్టుకుంది. ఇక తాజాగా నేడు తొలి సాంగ్‌ను మేకర్స్ రిలీజ్ చేశారు. 'ఇక నా మాటే అంటూ' సాగే పాట ఆకట్టుకుంటోంది. మెలోడీ మెజీషియన్ హేశం అబ్దుల్ వాహబ్ ఈ మూవీకి సంగీతం అందించారు.
పీపుల్ మీడియా ఫ్యాక్టరీ నిర్మిస్తున్న ఈ మూవీ హిట్ అవ్వడం ఇప్పుడు శర్వాకు చాలా అవసరం. ఈ మధ్యనే ఈ మూవీ నుంచి రిలీజ్ చేసిన గ్లింప్స్‌లో ఓ పాపను కూడా చూపించారు. అంటే ఈ స్టోరీ ఫాదర్ అండ్ డాటర్ సెంటిమెంట్‌తో ఉంటుందా? అనే డౌట్ అందరికీ అప్పుడే వచ్చుంటుంది. తాజాగా రిలీజ్ చేసిన నా మాటే అంటూ పాట ఫారిన్ లోకేషన్స్‌లో షూట్ చేశారు. ఇందులో హీరోయిన్ కృతిశెట్టి లేదు.
ఉల్లాసంగా హీరో పాడుకునే ఓ సింగిల్ లైఫ్ కుర్రాడి పాటగా కనిపిస్తోంది. సోలో లైఫే సో బెటర్ అంటూ శర్వానంద్ వేసే స్టెప్పులు అట్రాక్ట్ చేస్తున్నాయి. కృష్ణ చైతన్య రాసిన ఈ పాట అందర్నీ ఆకట్టుకుంటోంది. ఇక 'మనమే' మ్యూజికల్ జర్నీ స్టార్ట్ అవ్వడంతో త్వరలోనే ఈ మూవీ రిలీజ్ డేట్‌ను కూడా మేకర్స్ ప్రకటించనున్నారు.
