Bigg Boss 7 : బిగ్ బాస్లో ఇదే తొలిసారి..నామినేషన్స్లో ఒకేసారి 9 మంది!
బిగ్ బాస్ సీజన్7 విజయవంతంగా రెండోవారం కొనసాగుతోంది. సెకెండ్ వీక్లో జరిగిన నామినేషన్స్ ప్రక్రియ హోరాహోరీగా సాగింది. గత సీజన్లలో ఎప్పుడూ చూడని విధంగా ఈసారి నామినేషన్స్ వేరే లెవెల్లో ఉన్నాయి. ఈ నామినేషన్స్లో ఏకంగా 9 మంది కంటెస్టెంట్స్ నిలిచారు. సోమవారం స్టార్ట్ అయిన నామినేషన్స్ ప్రక్రియ మంగళవారం వరకు కొనసాగింది. నిన్న జరిగిన నామినేషన్స్తో ఒక్కసారిగా బిగ్ బాస్ హౌస్ వేడెక్కిపోయింది. సెప్టెంబర్ 11వ ఎపిసోడ్‍లో కంటెస్టెంట్స్ అందరూ రైతు బిడ్డ పల్లవి ప్రశాంత్‍ను టార్గెట్ చేశారు. ఏకంగా 8 మంది రైతు బిడ్డను నామినేట్ చేశారు. మంగళవారం రోజు నామినేషన్ల పర్వం కొనసాగింది. ఇద్దరు ముగ్గురు కంటెస్టెంట్ల మధ్య ఓ రేంజ్లో వార్ నడిచింది.
సెకెండ్ వీక్ లో హౌస్ నుంచి బయటకు వెళ్లేందుకు మొత్తం 9 మంది కంటెస్టెంట్లు నామినేట్ అయ్యారు. పల్లవి ప్రశాంత్, హీరో శివాజీ, శోభా శెట్టి, రతిక రోజ్, గౌతమ్ కృష్ణ, షకీల, టేస్టీ తేజ, అమర్ దీప్ చౌదరి, ఆట సందీప్లు వారిలో అత్యధిక ఓట్లతో నామినేట్ అయ్యారు. ఈ తొమ్మిది మంది బిగ్ బాస్ హౌస్ నుంచి బయటకు వెళ్లే వారి లిస్టులో ఉన్నారు. ఆడియన్స్ నుంచి ఎవరికైతే తక్కువ ఓట్లు వస్తాయో వారు హౌస్ నుంచి బయటకు వెళ్లాల్సి ఉంటుంది.
బిగ్ బాస్ అన్నీ సీజన్లు ఒకలా ఉంటే ఈ సీజన్ మాత్రం వేరే లెవెల్. ముందుగా చెప్పినట్లుగానే అన్నీ ఉల్టా పల్టాగా ఉన్నాయి. అందుకే అంతకు ముందు సీజన్లలో లేని విధంగా 7వ సీజన్ నామినేషన్స్ జరిగాయి. ఈ నామినేషన్ ప్రక్రియలో ఒక కంటెస్టెంట్‍ను పిట్‍లో నిల్చోబెట్టి మిగతా వారితో నామినేట్ చేయించారు. ఇది బిగ్ బాస్ హిస్టరీలోనే మొదటిసారిజ . అలాగే రైతు బిడ్డను టార్గెట్ చేసినట్లుగా గతంలో ఎక్కడా ఒక కంటెస్టెంట్‍ను ఇంతలా టార్గెట్ చేయడం కనిపించలేదు. హౌజ్ లోని కంటెస్టెంట్స్ అంతా ఒకవైపు.. రైతు బిడ్డ మాత్రం మరోవైపు అన్నట్లుగా నామినేషన్ ప్రక్రియ జరిగింది. నామినేషన్స్ ముగిసిన తరువత కంటెస్టెంట్స్ అంతా పల్లవి ప్రశాంత్‍ను ఓదార్చడం ఈ ఎపిసోడ్‍లో కొసమెరుపు. ఇది పక్కన పెడితే మంగళవారం రాత్రి నుంచి ఓటింగ్ పోల్ ప్రారంభమైంది. మరి ఈ నామినేషన్స్లో హౌస్ నుంచి ఎవరు బయటకు వెళ్తారో వేచి చూడాల్సిందే.
