మిస్ శెట్టి..మిస్టర్ పోలిశెట్టి రిలీజ్ డేట్ ఫిక్స్
చాలా కాలం తరువాత వెండితెరపై సందడి చేసేందుకు రెడీ అయ్యింది టాలీవుడ్ ముద్దుగుమ్మ అనుష్క శెట్టి. జాతిరత్నం ఫేమ్ నవీన్ పోలిశెట్టితో జోడీ కట్టి మిస్ శెట్టి..మిస్టర్ పోలిశెట్టి అంటూ ఫుల్లెన్త్ ఎంటర్టైన్మెంట్ అందించేందుకు సిద్ధమైంది స్వీటీ. ఈ సినిమాకు సంబంధించి ఇప్పటికే విడుదలైన టీజర్, సాంగ్స్ అనుష్క ఫ్యాన్స్లో అంచనాలను పెంచాయి. చాలా కాలంగా మూవీ రిలీజ్ డేట్ కోసం అభిమానులు ఆసక్తిగా ఎదురుచూస్తున్నారు. ఎట్టకేలకు మేకర్స్ మిస్ శెట్టి..మిస్టర్ పోలిశెట్టి రిలీజ్ డేట్స్ను అనౌన్స్ చేశారు. ఈ చిత్రంశ్రీకృష్ణ జన్మాష్టమి రోజున విడుదల కానుందని అధికారికంగా ప్రకటించారు. ముందు ఆగస్టు 4న సినిమాను రిలీజ్ చేయాలని ప్లాన్ చేసినా పోస్ట్ ప్రొడక్షన్ పనులు పెండింగ్లో ఉండటంతో వర్కౌట్ కాలేదు. దీంతో సినిమాను వాయిదా వేశారు. తాజాగా సినిమా లేటెస్ట్ రిలీజ్ డేట్ను అనౌన్స్ చేశారు. ఈ చిత్రం సెప్టెంబర్ 7న వెండితెర మీద సందడి చేయబోతోంది. ఇందుకు సంబంధించిన పోస్టర్లు ప్రస్తుతం సోషల్ మీడియాలో వైరల్ అవుతున్నాయి.
సినిమా ప్రమోషన్స్లో భాగంగా విడుదలైన టీజర్ను బట్టి చూస్తే ఈ మూవీలో అనుష్క ప్రొఫెషనల్ చెఫ్ అని అర్థం అవుతోంది. ఇక నవీన్ ఓ స్టాండప్ కమెడియన్ గా కనిపించనున్నాడు. వీరిద్ద మధ్య సాగే కథే ఈ సినిమా అని తెలుస్తోంది. టీజర్లో ఇదే విషయాన్ని మరింత ఆసక్తికరంగా చూపించారు మేకర్స్. అనుష్క, నవీన్ మధ్య చిత్రీకరించిన సన్నివేశాలు ఎంతో ఫ్రెష్గా ఉన్నాయి. అనుష్క చాలా కాలం తరువాత స్క్రీన్ మీద కనిపించనుండటంతో ఫ్యాన్స్ ఎంతో ఆసక్తిగా సినిమా విడుదల కోసం ఎదురుచూస్తున్నారు. ఈ సినిమాను మేకర్స్ తెలుగుతో పాటు తమిళ్, కన్నడ, మళయాల భాషల్లో రిలీజ్ చేస్తున్నారు. సోషల్ మీడియాలో ఆయా భాషలకు సంబంధించిన పోస్టర్లను రిలీజ్ చేశారు.
Miss Shetty and Mr. Polishetty are ready to butter you up on Janmashtami! #MissShettyMrPolishetty are all set to entertain you all starting from September 7th in theaters! 🥳#MSMPonSep7th @NaveenPolishety @filmymahesh @radhanmusic #NiravShah #RajeevanNambiar… pic.twitter.com/VpJBQxahq0
— Anushka Shetty (@MsAnushkaShetty) August 14, 2023
