BirthDay Special: మహేష్ లుంగీ లుక్స్ అదుర్స్..గుంటూరు కారం తగిలిందిగా
సూపర్ స్టార్ మహేష్ బాబు బర్త్ డే ట్రీట్ అదిరిపోయింది. మాస్ లుక్లో మహేష్ ఇరగదీస్తున్నాడు. మహేష్ బాబు పుట్టిన రోజు సందర్భంగా గుంటూరు కారం నుంచి విడుదలైన లేటెస్ట్ పోస్ట్ర్ నెట్టింట్లో రచ్చ రచ్చ చేస్తోంది. ఈ పోస్టర్ లో మహేష్ లుక్స్ చాలా డిఫరెంట్గా కనిపించాయి. లుంగీ కట్టి, నోట్లో బీడీ పెట్టుకుని సరికొత్తగా కనిపించారు. అభిమానులకు మహేష్ లుక్స్ అమితంగా ఆకట్టుకుంటున్నాయి. మహేష్ లుంగీ కట్టడం కొత్తకాదు. కానీ ఆయన లుంగీ కట్టిన సినిమాలన్నీ బాక్సాఫీస్ వద్ద బ్లాక్ బస్టర్ హిట్గా నిలిచాయి. ఈ క్రమంలో గుంటూరు కారంపైన ఫ్యాన్స్లో భారీ అంచనాలు పెరిగిపోయాయి. కానీ ఆ విషయంలో మాత్రం ఫ్యాన్స్ తెగ ఫీల్ అవుతున్నారు.
త్రివిక్రమ్, మహేష్ కాంబోలో వస్తున్న మూవీ గుంటూరు కారం. హారిక అండ్ హాసినీ క్రియేషన్స్ బ్యానర్పై ఈ సినిమాను చిత్రీకరిస్తున్నారు. యంగ్ అండ్ ఎనర్జిటిక్ నటి శ్రీలీల, మీనాక్షి చౌదరిలు మహేష్ బాబుకి జోడిగా నటిస్తున్నారు. థమన్ గుంటూరు కారంకు తన సంగీతాన్ని అందిస్తున్నాడు. ఇప్పటికే రిలీజ్ అయిన గ్లింప్స్ ప్రేక్షకుల్లో ఏ రేంజ్ అంచనాలను పెంచేశాయి. ఇవాళ మహేష్ పుట్టిన రోజు అన్న విషయం తెలిసిందే. ఈ రోజైనా గుంటూరు కారం నుంచి ఏదైనా అప్డేట్ వస్తుందని అందరూ ఎంతో ఆశగా ఎదురుచూశారు. అయితే మహేష్ పోస్టర్కి మించి మరో యాక్టివిటీ ఏదీ మూవీ మేకర్స్ నుంచి కనిపించకపోవడంతో ఫ్యాన్స్ అంతా బాగా డిసప్పాయింట్ అవుతున్నారు.
మరోవైపు గత కొన్ని రోజులుగా గుంటూరు కారం నుంచి మొదటి పాట విడుదల అవుతోందన్న టాక్ బాగా వినిపిస్తుంది. మరి ఈ రోజు ఈ పాట విడుదల అవుతుందని ఫ్యాన్స్ వేయి కళ్ళతో ఎదురుచూశారు. కానీ వారి ఆశలన్నీ ఆవిరి అయ్యాయి. పాటకు బదులుగా మేకరస్ మహేష్ లుక్ను రిలీజ్ చేశారు.
గుంటూరు కారంలో జగపతి బాబు, రేఖ, రమ్యకృష్ణ, జైరాం, బ్రహ్మానందం, సునీల్ తదితరులు కీలక పాత్రల్లో కనిపించనున్నారు. ఈ మూవీ షూటింగ్ను త్వరగా పూర్తి చేసి సంక్రాంతి నాటికి విడుదల చేయాలని మేకర్స్ గట్టిగా ప్రయత్నిస్తున్నారు. అయితే మూవీ షూటింగ్ కి పడుతున్న బ్రేక్స్ చూస్తుంటే.. సంక్రాంతి విడుదల కష్టమేననే టాక్ వినిపిస్తుంది. మరి ఈ విషయంలో త్రివిక్రమ్ మహేష్లు ఏమి చేస్తారో వేచి చూడాల్సిందే.
Wishing a spectacular Happy Birthday to the Reigning Superstar, @urstrulymahesh 🤩#HBDSuperstarMaheshBabu ✨
— Guntur kaaram (@GunturKaaram) August 8, 2023
Your unparalleled on-screen brilliance coupled with your genuine off-screen humility continues to set a remarkable standard of inspiration 🌟🎉 #GunturKaaramOnJan12th… pic.twitter.com/lOzhJBZx1l
