Pawan Kalyan’s birthday: 'వీరమల్లు' సర్ప్రైజ్.. రూమర్స్‌కు చెక్
పవర్ స్టార్ పవన్ కళ్యాణ్ (Pawan Kalyan Birthday Treat) పుట్టినరోజు సందర్భంగా హరి హర వీరమల్లు నుంచి తాజాగా ఓ అప్డేట్ వచ్చింది. సెప్టెంబ‌ర్ 02న అర్ధరాత్రి 12:17 గంట‌ల‌కు ఈ మూవీ నుంచి మోషన్ పోస్టర్(Harihara Veeramallu New poster)ను రిలీజ్ చేశారు మేకర్స్. ఆ పోస్టర్‌లో పవన్.. విలన్లను చితకబాది సీరియస్గా నడుస్తూ వెళ్తున్నట్లు కనిపించారు. ఆయన వెనకాల భారీగా జనం గూమిగుడి ఉన్నారు. బ్యాక్గ్రౌండ్ మ్యూజిక్ అదిరిపోయింది. "ఈ సంతోషకరమైన రోజున అసాధారణమైన ధైర్యం, దయ, కరుణ వంటి గుణాలు కలిగి ఉన్న మా హరిహర వీరమల్లు పుట్టినరోజును సెలబ్రేట్ చేసుకుంటున్నాను. హ్యాపీ బర్త్డే పవన్ కల్యాణ్ గారు" అంటూ రాసుకొచ్చింది మూవీ యూనిట్.
మెగా సూర్య ప్రొడక్షన్స్ బ్యానర్‌పై ప్రొడ్యూసర్ ఏఎం రత్నం.. ఈ మూవీని భారీ బడ్జెట్తో నిర్మిస్తున్నారు. క్రిష్ జాగర్లమూడి డైరెక్షన్‌లో పీరియడ్ యాక్షన్ అడ్వెంచర్ ఫిల్మ్గా ఈ సినిమా ప్రేక్షకుల ముందుకు రాబోతుంది. ఈ సినిమా షూటింగ్ ప్రారంభమై దాదాపు రెండేళ్లు దాటేసింది. కానీ ఇప్పటికీ వరకు పూర్తి కాలేదు. చాలా కాలం నుంచి ఎటువంటి అప్డేట్ కూడా రాకపోవడంతో పవన్ ఫ్యాన్స్ కూడా.. అప్డేట్స్ అడిగి అడిగి విసిపోయారు. ఇక దాదాపు సినిమా గురించి ఆలోచించడం కూడా మానేసిన సమయంలో.. షూటింగ్ ఆగిపోయినట్లు వార్తలు వచ్చాయి. ఎన్నికల సమయం దగ్గరపడటంతో పవన్ పొలిటికల్ కెరీర్పై ఫోకస్ పెట్టారని, సినిమా చిత్రీకరణ పునఃప్రారంభమయ్యేది ఎలక్షన్స్ తర్వాతే అని ప్రచారం సాగింది. అయితే దీనిపై ఇప్పటికైతే ఎలాంటి అధికారిక ప్రకటన రాలేదు. ఈ క్రమంలోనే పవన్ పుట్టినరోజు వచ్చిన సందర్భంగా.. ఈ సినిమా షూటింగ్కు సంబంధించి ఏమైనా అప్డేట్ చెబుతారని పవన్ ఫ్యాన్స్ కాస్త ఆశించారు. అయితే మూవీటీమ్.. షూటింగ్ అప్డేట్ గురించి చెప్పలేదు కానీ.. తాజాగా బర్త్డే విషెస్ తెలుపుతూ ఈ మోషన్ పోస్టర్ను విడుదల చేసి జోష్ నింపేందుకు ప్రయత్నించింది.
Celebrating the extraordinary bravery, grace, and boundless compassion of our #HariHaraVeeraMallu, @pawankalyan garu, on this exhilarating day! 🎉🔥 #HBDJanaSenaniPawanKalyan 🎂💫 @DirKrish @AgerwalNidhhi @mmkeeravaani @AMRathnamOfl @ADayakarRao2 @gnanashekarvs… pic.twitter.com/uqBXh7lx0c
— Hari Hara Veera Mallu (@HHVMFilm) September 1, 2023
పవన్ కల్యాణ్ నటిస్తోన్న తొలి పాన్ ఇండియా సినిమా ఇది. రూ. 150 -200 కోట్ల భారీ బడ్జెట్తో ఈ మూవీ తెర‌కెక్కుతుంది. ఈ సినిమాలో పవన్ కల్యాణ్ బంధిపోటుగా కనిపించనున్నాడు. నిధి అగర్వాల్, బాలీవుడ్ స్టార్స్ బాబీ డియోల్, నోరా ఫతేహి, విక్రమ్ జీత్ విర్క్, పూజిత పొన్నాడ తదితరులు ఇతర ప్రధాన పాత్రల్లో నటిస్తున్నారు. ఎంఎం కీరవాణి సంగీతాన్ని అందిస్తున్నారు.
