Sri Leela : విజ్జి పాపకు హ్యాట్రిక్ ఫ్లాపులు
పెళ్లి సందDతో టాలీవుడ్ ఎంట్రీ ఇచ్చి ఇండస్ట్రీకి తనదైన ధమాకాను చూపించిన బ్యూటీ శ్రీలీల. పాప జోష్ కు టాలీవుడ్ ఫిదా అయింది. ఆఫర్స్ వెల్లువెత్తాయి. ఆ ఆఫర్స్ లో ఉక్కిరిబిక్కిరయిందనే చెప్పాలి. అయితే అవకాశాలు వెల్లువెత్తుతున్నా.. కథలు ఎంచుకుంటున్నప్పుడు జాగ్రత్తగా ఉండాలి. లేదంటే కెరీర్ కృతిశెట్టిలా మారుతుంది. ఉప్పెనతో వచ్చిన కృతి తర్వాత రెండు హిట్స్ అందుకుని టాలీవుడ్ టాప్ హీరోయిన్ అవుతుందనిపించుకుంది. బట్.. తర్వాత అన్నీ ఫ్లాపులే. ఇప్పుడు ఆ రూట్ లోనే ఉంది శ్రీ లీల. ఈ ఇద్దరినీ పోలుస్తూ చాలామంది ఇక శ్రీ లీల టాప్ హీరోయిన్ అవుతుందనుకున్నారు.కానీ శ్రీ లీల సినిమాలు చూస్తుంటే అంత లేదు అనిపించక మానదు.
పెళ్లి సందD, ధమాకా తర్వాత వచ్చిన స్కంద బిగ్గెస్ట్ డిజాస్టర్. అటుపై బాలయ్యతో చేసిన భగవంత్ కేసరిలో విజ్జిపాపగా ఆకట్టుకుంది. ఈ విజయం తన కెరీర్ కు పెద్ద హెల్ప్ అవుతుందనుకున్నారు. కానీ అంతకు ముందే ఒప్పుకున్న సినిమాలన్నీ వరుసగా విడుదలవుతూ ఒక్కొక్కటిగా డిజాస్టర్ అనిపించుకుంటున్నాయి. స్కంద, ఆది కేశవతో పాటు లేటెస్ట్ గా వచ్చిన ఎక్స్ ట్రా ఆర్డినరీ మేన్ సినిమాలు విజ్జి పాప కెరీర్ కు పెద్ద షాకే ఇచ్చాయి. నిన్నటి వరకూ తీరిక లేకుండా ఉంటోందంటూ అన్ని ఇంటర్వ్యూస్ లోనూ అదే పనిగా చెప్పుకున్న శ్రీ లీల కెరీర్ కు సడెన్ గా డౌన్ ఫాల్ స్టార్ట్ అయింది. ప్రస్తుతం తన చేతిలో గుంటూరు కారం, ఉస్తాద్ భగత్ సింగ్ సినిమాలున్నాయి. ఉస్తాద్ వస్తుందో లేదో చెప్పలేం. ఇక తన ఆశలన్నీ గుంటూరు కారంపైనే ఉన్నాయి. త్రివిక్రమ్ డైరెక్ట్ చేస్తోన్న ఈ మూవీలో మహేష్ సరసన తనతో పాటు మీనాక్షి చౌదరి కూడా ఉంది. అందువల్ల ఇందులో శ్రీలీలకు వచ్చే క్రెడిట్ ఎంత అనేది కూడా డౌటే. మొత్తంగా చాలా ఫాస్ట్ గా దూసుకు వచ్చిన ఆ ధమాకా బ్యూటీ అంతే ఫాస్ట్ గా డౌన్ అయిపోతోంది. అందుకే అంటారు.. క్రేజ్ వస్తున్నప్పుడే ఇంకా జాగ్రత్తగా కథలు ఎంచుకోవాలని. మరి ఈ పిల్ల దూకుడు తగ్గుతుందా లేక పెరుగుతుందా అనేది చూడాలి.
